तब्बल सात वर्षापासून रखडलेली ग्रामीण रुग्णालयाची कामे होणार कधी?

लातूर : मागील वर्षभरापासून कोरोना महामारी आपला कहर दाखवत आहे. या महामारीमुळे संपूर्ण जगाच्या आरोग्य यंत्रणेला आणखीन आधुनिक करण्याचे काम सुरु आहे. पण त्या उलट जिल्ह्यातील आरोग्य यंत्रणांकडे लोकप्रतिनिधींचे लक्षच नसल्याचे दिसून येत आहे. तालुक्याच्या निर्मितीला जवळपास २१ वर्षे पूर्ण झाले. पण तालुक्यातील विकास कामाचे केवळ उदघाटने करून कोनशीला लावलेल्या दिसत आहेत. पण अनेक शासकीय ऑफीस आज ही भाड्याच्या जागेत आहेत.

गेल्या महिन्यातच उदगीर तालुक्यातील वाढवणा गावात ग्रामीण रुग्णालयाच्या बांधकामासाठी कोटीवर बजेट राज्य मंत्री संजय बनसोडे यांनी आपल्या मतदार संघात मंजूर करून आणले. पण शिरुर अनतपाळ येथे तब्बल सात वर्षापासून अर्धवट अवस्थेत असलेले ग्रामीण रुग्णालयाच्या इमारतीचे बांधकाम पूर्ण होत नाही. तालुक्यातील सर्वसामान्य नागरीकांच्या आरोग्याशी निगडीत असलेल्या शिरूर अनंतपाळ येथील ग्रामीण रुग्णालयाचे काम निधी अभावी गेल्या सात वर्षापासून रखडले आहे. सात वर्षाच्या काळात आमदारांनी लक्षे दिले नसल्यामुळे लाखो रुपये खर्चुन बांधलेली इमारत धूळखात पडून आहे.

ग्रामीण रुग्णालयाच्या कामासाठी आवश्यक निधीसाठी सुधारीत प्रस्ताव शासनाकडे गेला आहे. पण अद्यापपर्यंत निधी काही उपलब्ध झाला नाही. २०१३ मध्ये पायाभरणी झालेल्या या ग्रामीण रुग्णालयाचे गेल्या सात वर्षापासून काम रेंगाळले आहे. निधी उपलब्ध झाल्यास काम पूर्ण होऊन तालुक्यातील गोरगरीबांना आरोग्याच्या सुविधा उपलब्ध होणार असून याकडे आरोग्य विभागाने विशेष लक्ष देण्याची गरज आहे.

महत्वाच्या बातम्या 

• ‘काही घटनांचा आमच्या हातात जर तपास असता तर या घटनांमागे कोण आहे हे हुडकून काढले असते’
• राम सेतू चित्रपटाच्या सेटवर कोरोनाचा विस्फोट ; अक्षय पाठोपाठ 45 सहकलाकारांना कोरोनाची लागण
• ‘भगीरथच’ पंढरपूर-मंगळवेढ्यासाठी भारतनानांनी पाहिलेली स्वप्न पूर्ण करणार – जयंत पाटील
• धक्कादायक! बीड जिल्ह्यात रुग्णालय कर्मचारी-नातेवाईकांत हाणामारी
• ‘राज्यातली कोरोनाची स्थिती भयावह,वीज तोडणी थांबवा आणि गरीब,मध्यम वर्गाला मदत करा’