‘जब गंगा में, तैर रही थी लाश। तब मोदी जी क्यूँ ना आये, माँ गंगा के पास’

🕒 1 min read

मुंबई : पंतप्रधान नरेंद्र मोदी (PM Narendra Modi) काशी यात्रेला गेले होते. तीथे त्यांनी जलपूजन केले. त्यांची ही काशी यात्रा चांगलीच गाजली आहे. काशी यात्रेदरम्यान गंगेत डुबकी मारल्याचे छायाचित्र मोठ्या प्रमाणावर व्हायरल झाले आहे. वाराणसीच्या घाटात डुबकी घेत त्यांनी जलपूजन केले होते. यावर काँग्रेसचे प्रदेशाध्यक्ष नाना पटोले (Congress State President Nana Patole) यांनी मोदींवर खोचक टीका केली आहे.

नाना पटोले ट्विट करत म्हणाले, ‘जब गंगा में, तैर रही थी लाश। तब मोदी जी क्यूँ ना आये, माँ गंगा के पास’, असा टोला नाना पटोलेंनी मोदींना लगावला आहे.

ये सवाल है जब गंगा में, तैर रही थी लाश।

तब मोदी जी क्यूँ ना आये, माँ गंगा के पास।

— Nana Patole (@NANA_PATOLE) December 14, 2021

यावर शिवसेनेचे खासदार तथा सामनाचे कार्यकारी संपादक संजय राऊत यांनीही मोदींना आग्रलेखातून चिमटा काढला आहे. संजय राऊत म्हणाले, मोदी हे पंतप्रधान असल्यामुळेच त्यांचे गंगास्नान प्रकाशझोतात राहिले. नाहीतर गंगेत रोज लाखो लोक डुबक्या मारीतच असतात. राहुल गांधी म्हणतात तेच खरे. इतके लोक गंगेत स्नान करतात, पण कॅमेरा फक्त मोदींवरच असतो. हा कॅमेरा व्यक्तीवर नसून पंतप्रधानांवर आहे. पाहू, काशी विश्वनाथाच्या मनात काय आहे? असा टोलाही त्यांनी लगावला आहे.

दरम्यान ज्या गंगेच्या पात्रात पंतप्रधान मोदी यांनी डुबकी मारली त्याच गंगेत कोरोना काळात हजारो बेवारस प्रेते वाहताना जगाने पाहिले. पंतप्रधान म्हणून नव्हे, तर काशीचे खासदार म्हणून मोदी यांनी त्या वेळी तेथे जायला हवे होते. मोदी आजच्या झगमगाटी वातावरणात तेथे गेले, पण गंगा आक्रोश करीत असताना काशीचे खासदार तेथे गेले नाहीत, अशी टीका संजय राऊत यांनी केली आहे. पंतप्रधान मोदींनी काशीत जाऊन गंगेत स्नान केले. त्या गंगास्नानाने त्यांच्या मनाची जळमटे दूर होवोत. विरोधकांविषयीची किल्मिषे नष्ट होवोत आणि काशी विश्वनाथ मंदिराप्रमाणेच लोकशाहीच्या मंदिराचाही जीर्णोद्धार होवो अशी आशाही संजय राऊत यांनी व्यक्त केली आहे.

महत्वाच्या बातम्या

• ”त्या’ विद्यार्थ्याला आत्महत्येस भाग पाडणाऱ्या खुनी सरकारवर ३०२ दाखल करा’
• ‘…चे श्रेय काशीचे खासदार असलेले पंतप्रधान मोदी यांनाच द्यावे लागेल’, शिवसेनेकडून मोदींचे कौतुक
• ‘ज्या गंगेच्या पात्रात मोदींनी डुबकी मारली त्याच गंगेत हजारो बेवारस प्रेते वाहताना जगाने पाहिले’
• ‘सचिन वाझे, मुकेश अंबानी अन मुख्यमंत्री’… काय म्हणाले राज ठाकरे..?
• 2 दिवस उशिरा का होईना पवार साहेबांना बड्डे गिफ्ट मिळालं; राणेंचा खोचक टोला