मुंबई: मनसे प्रमुख राज ठाकरे यांच्या औरंगाबाद येथे होणाऱ्या सभेबाबत पोलिसांनी मनसेच्या स्थानिक कार्यकर्त्यांना सूचना करून ईदनंतर ही सभा घ्यावी असे कळविले असतानाच केंद्रीय मंत्री रावसाहेब दानवे यांनी राज ठाकरे यांची सभा एक तारखेला होणारच असे वक्तव्य करून स्वतःचेच हसू करून घेतले आहे. असा टोला लगावत रावसाहेब दानवे (Raosaheb Danve) राज ठाकरेंचे (Raj Thackeray) प्रवक्ते कधीपासून झाले? असा खोचक सवाल राष्ट्रवादी नेते महेश तपासे (Mahesh Tapase) यांनी केला आहे.
राज ठाकरे यांची सभा व्हावी आणि त्यातून राज्यातले सामाजिक वातावरण बिघडावे ही भाजपची रणनीती आता उघड झाली आहे. राज ठाकरे हे भाजपची ‘सी’ टीम आहे. हे आम्ही पहिलेच ओळखले होते आणि आता केंद्रीयमंत्री रावसाहेब दानवे यांच्या वक्तव्यानंतर यावर शिक्कामोर्तब देखील झाला आहे. असे तपासे यांनी म्हटले आहे.
मनसे प्रमुख राज ठाकरे यांच्या #औरंगाबाद येथे होणाऱ्या सभेबाबत पोलिसांनी मनसेच्या स्थानिक कार्यकर्त्यांना सूचना करून ईदनंतर ही सभा घ्यावी असे कळविले असतानाच केंद्रीय मंत्री रावसाहेब दानवे यांनी राज ठाकरे यांची सभा एक तारखेला होणारच असे वक्तव्य करून स्वतःचेच हसं करून घेतले आहे.
— महेश तपासे Maehesh Tapasey (@maheshtapase) April 25, 2022
तसेच महाराष्ट्राची सामाजिक व्यवस्था बिघडावी व त्यातून कायदा सुव्यवस्थेचा प्रश्न निर्माण व्हावा हा एक कलमी कार्यक्रम घेऊन राणा दांपत्य यांनी मातोश्रीला जाण्याचा चंग बांधला. त्यांच्या या कृतीला भाजपाचे समर्थन होते हे आता महाराष्ट्रातल्या जनतेपासून लपलेले नाही. अशी टीका महेश तपासे यांनी केली आहे.
महत्वाच्या बातम्या:
- “अबकी बार GST की मार, लेकर आयी…”, नाना पटोलेंचा हल्लाबोल
- “जोपर्यंत महिला खेटरं पुजन करणार नाही तोपर्यंत…”, चित्रा वाघ यांचा वडेट्टीवारांवर निशाणा
- ‘ओबीसी’ आरक्षणाबाबत आज सुप्रीम कोर्टात महत्वपूर्ण सुनावणी होणार !
- भोंग्याचा वाद! सर्वपक्षीय बैठकीला राज ठाकरेंनंतर फडणवीसांनी फिरवली पाठ
- “उत्तर प्रदेश आणि महाराष्ट्रात एकाच वेळी राष्ट्रपती राजवट लावा”- संजय राऊत
