सून जेव्हा सासू बनते तेव्हा तिने आपल्या सुनेचा छळ करू नये – रामदास आठवले

🕒 1 min read

मुंबई : ‘सून जेव्हा सासू बनते तेव्हा तिने आपल्या सुनेला त्रास देऊ नये. स्त्रियांनी स्त्रियांच्या भावना आधी समजून घेतल्या पाहिजेत. आपल्या घरी येणाऱ्या सुनेचा आपल्या मुलीप्रमाणे सन्मान आणि सांभाळ केला पाहिजे. त्यामुळे महिलांच्या सासरी होणाऱ्या छळाच्या घटना घडणार नाहीत. समाजात स्त्रीपुरुष समता यावी हाच जागतिक महिला दिनाचा संदेश आहे,’ असे सांगत महिला खेळाडूंना प्रोत्साहन देण्याचे आवाहन रिपब्लिकन पक्षाचे राष्ट्रीय अध्यक्ष केंद्रीय सामाजिक न्याय राज्यमंत्री रामदास आठवले यांनी केले.

जागतिक महिला दिना निमित्त रिपब्लिकन पक्षाच्या क्रीडा आघाडी तर्फे महिला खेळाडूंचा सत्कार ना. रामदास आठवले यांच्या हस्ते आज झाला. रामदास आठवले यांच्या दिल्लीतील निवासस्थानी झालेल्या या सत्कार सोहळ्यास रिपाइं क्रीडा आघाडीचे प्रमुख दिनेश कांडा, गीतांजली शर्मा आदी मान्यवर उपस्थित होते.

महिला खेळाडूंचे प्रश्न त्यांच्या काही समस्या असतील तर त्या आपण निश्चित सोडवू. महिला खेळाडूंचा सत्कार करून त्यांना सर्वतोपरी मदत करण्याचे आश्वासन रामदास आठवले यांनी दिले.

विधानसभा आणि लोकसभेत महिलांना आरक्षण देण्यासाठी घेणार पंतप्रधान नरेंद्र मोदींची भेट !

विधानसभा आणि लोकसभेत महिलांना 33 आरक्षण देण्याचा कायदा अद्याप प्रलंबित आहे. महिलांना 33 टक्के राजकीय आरक्षण देणारा कायदा संसदेत मंजुर करावा यासाठी आपण लवकरच पंतप्रधान नरेंद्र मोदी यांची भेट घेणार असल्याचे प्रतिपादन रिपब्लिकन पक्षाचे राष्ट्रीय अध्यक्ष केंद्रीय सामाजिक न्याय राज्यमंत्री रामदास आठवले यांनी केले आहे.

महत्वाच्या बातम्या 

• माझ्या वडिलांनी ऊस तोडला, मजुरांच्या व्यथा मी जाणतो-धनंजय मुंडे
• पृथ्वी शॉची पुन्हा एकदा धमाकेदार खेळी; नाबाद १८५ धावांची खेळी
• मेगाब्लॉकमुळे नांदेडहून मुंबईकडे जाणार्‍या तीन एक्स्प्रेस रद्द
• आरोग्यमंत्र्यांच्या जिल्ह्यात रुग्णवाहिकेसाठी रुग्ण तब्बल १४ तास ताटकळला
• उत्तराखंडच्या मुख्यमंत्र्यांनी सोपवला राज्यपालांकडे राजीनामा, पुढचा मुख्यमंत्री कोण?