मुंबई : मनसेचे नेते वसंत मोरे यांना शहराध्यक्ष पदावरून हटवण्यात आले आहे, अशी माहिती मिळत आहे. राज ठाकरे यांच्या शिवतीर्थ या निवासस्थानी पुणे मनसे पदाधिकाऱ्यांची चर्चा होत आहे, या दरम्यानच मोरेंना पदावरून हटवण्याचा निर्णय राज ठाकरेंनी घेतल्याचे समजते. आता पुणे शहराध्यक्षपदाची जबाबदारी नगरसेवक साईनाथ बाबर यांच्याकडे देण्यात आलेले आहे.
याबाबत मनसेने अधिकृत पत्र जाहीर केले आहे. शहराध्यक्षपदाची जबाबदारी आता बाबर यांच्याकडे देण्यात आली आहे .वसंत मोरे हे राष्ट्रवादीच्या वाटेवर असल्याची चर्चा दबक्या आवाजात होत होती. मोरे नाराज असल्याचेही बोलले जात होते. यातच त्यांना पदावरून हटवण्यात आले आहे.
दरम्यान राज ठाकरे यांच्या ९ तारखेच्या सभेसाठी वसंत मोरे यांना निमंत्रण नसल्याचे स्पष्ट झाले आहे. त्यातच मोरे यांनी पक्षाचा व्हाट्स अँप ग्रुप सोडल्याचे बातम्या आले आहेत. वसंत मोरे नाराज असल्याचे दबक्या आवाजात बोलले जात आहे. मोरे हे राष्ट्रवादीत जातील अशी शक्यता राजकीय वर्तुळात व्यक्त होत आहे.
महत्वाच्या बातम्या :
