मुंबई – दिवंगत खासदार मोहन डेलकर यांची पत्नी कलाबेन डेलकर, मुलगा अभिनव डेलकर यांनी आज शिवसेनेत प्रवेश केला. कलाबेन यांना दादरा नगर हवेली पोटनिवडणुकीत शिवसेना उमेदवारी देणार आहे अशी चर्चा आहे. मोहन डेलकर यांच्या आत्महत्येमुळे रिक्त झालेल्या जागेसाठी 30 ऑक्टोबरला पोटनिवडणूक होत आहे.
डेलकर यांनी मरीन ड्रॉइव्ह येथील एका हॉटेलमध्ये आत्महत्या केली. त्यांनी लिहिलेली सुसाइड नोट पोलिसांना मिळाली. डेलकर यांच्या मुलाने केलेल्या तक्रारीवरून मुंबई पोलिसांनी गुन्हा नोंदवला. अभिनव डेलकर याने केलेल्या तक्रारीनुसार, दादरा नगर हवेलीचे प्रशासक प्रफुल खेडा पटेल आणि स्थानिक सरकारी अधिकारी यांनी मोहन डेलकर यांची छळवणूक केली होती. कारण त्यांना मोहन डेलकर यांना निवडणूक लढवण्यापासून अडवायचे होते. तसेच त्यांच्या महाविद्यालयाचा ताबा घेण्यापासून थांबवायचे होते.
Kalaben Delkar, wife of Late Mohan delkar Joined Shivsena today along with son Abhinav Delkar and thousands of followers in presence of CM Uddhav Ji Thackeray and Aditya Thackeray.
Kalaben Delkar will be Shivsena candidate for the forthcoming Dadra Nagar Haveli by-election. pic.twitter.com/YEiwvhOuQn
— Sanjay Raut (@rautsanjay61) October 7, 2021
दरम्यान, कठीण काळात शिवसेनेने कुटुंबाला पाठिंबा दर्शवला होता. त्यांच्या आत्महत्येची कडक चौकशी केली जाईल, असंही आश्वासन दिलं आहे. डेलकर हे 1989 पासून दादरा आणि नगर हवेली लोकसभा मतदारसंघातील खासदार होते. त्याशिवाय ते दादरा आणि नगर हवेली येथून 7 वेळा खासदार म्हणून निवडून आले होते. 2009 मध्ये ते काँग्रेस पक्षात दाखल झाले. परंतु 2019 च्या लोकसभा निवडणुकीत त्यांनी काँग्रेस पक्ष सोडला आणि अपक्ष उमेदवार म्हणून ते निवडणुकीच्या रिंगणात उतरले आणि ते मोठ्या मतांनी पुन्हा विजयी झाले होते.
महत्त्वाच्या बातम्या
- राष्ट्रीय कार्यकारिणीवर नियुक्ती झाल्यानंतर चित्रा वाघ यांची पहिली प्रतिक्रिया, म्हणाल्या…
- कोरोनाळे बंद असलेली धार्मिक स्थळं पुन्हा झाली खुली; राज्यभरातील भाविकांमध्ये उत्साह
- देवेंद्र फडणवीस तब्बल ८ लाख भाजपा कार्यकर्त्यांशी ऑनलाईन संवाद साधणार
- अभिनेता रणबीरच्या ‘या’ चित्रपटाबद्दल चाहत्यांमध्ये वाढलीय उत्सुकता
- ‘या’ जिल्ह्यात कोरोनाचा धोका वाढला; तब्बल 61 गावांत कडक टाळेबंदी लागू
