नाशिक : महाराष्ट्र नवनिर्माण सेनेचे प्रमुख राज ठाकरे यांच्या वाढदिवसानिमित्त नाशिक येथील सातपूर कॉलनीत ज्येष्ठ नागरिकांना छत्री वाटप व कर्तृत्ववान महिलांचा सत्कार समारंभ आयोजित करण्यात आला होता. विनापरवानगी घेतलेल्या या कार्यक्रमामुळे सातपूर पोलीस ठाण्यात मनसेच्या सहा पदाधिकाऱ्यांवर आपत्ती व्यवस्थापन कायद्यांतर्गत गुन्हा दाखल करण्यात आला आहे.
पोलिसांनी दिलेल्या माहितीनूसार, मनसेप्रमुख राज ठाकरे यांच्या वाढदिवसाचे औचित्य व पावसाळ्याच्या पार्श्वभूमीवर सातपूर येथे मनसे सैनिकांनी ज्येष्ठ नागरिकांना छत्री वाटप व कर्तृत्ववान महिलांचा सत्कार समारंभ आयोजित केला होता. मनपाच्या समाजमंदिरात हा कार्यक्रम पार पडला. पण कोरोनाच्या पार्श्वभूमीवर पोलीस आयुक्तांनी सार्वजनिक कार्यक्रमांना मनाई केली आहे.
मात्र, तरीही सत्काराचा कार्यक्रम घेतल्यामुळे आपत्ती व्यवस्थापन कायद्यांतर्गत मनसेचे विभाग अध्यक्ष योगेश ऊर्फ बंटी दत्तात्रय लभडे, शहर सचिव अंबादास आहिरे, शहर उपाध्यक्ष विजय आहिरे, शहर सरचिटणीस मिलिंद कांबळे, महिला विभाग अध्यक्षा आरती खिराडकर यांच्या विरोधात कलम २६९,२७०,१८८,३४ सह म.पो.का १३५ व जिल्हा आपत्ती व्यवस्थापन २००५ चे कलम ५१ प्रमाणे गुन्हा नोंदविण्यात आला आहे.
शिवसेनेच्या दहा जणांवर कारवाई
अंबड पोलिसांनी दिलेल्या माहितीनुसार, शिवसेनेचे विभागप्रमुख सुयश पाटील यांच्या वाढदिवसानिमित्त शिवसेनेच्या जनसंपर्क कार्यालयाचे उद्घाटन करून वाढदिवस साजरा केल्याप्रकरणी त्यांच्यासह नीलेश साळुंखे, निखिल मेंदळे, एकनाथ शिंदे आदी १० जणांवर गुन्हा दाखल करण्यात आला. दुसऱ्या घटनेत मनसे पक्षप्रमुख राज ठाकरे यांच्या वाढदिवसानिमित्त देवचंद केदारे यांच्यासह अर्जुन वेताळ, ललित वाघ, नितीन माळी, संदेश जगताप इत्यादी पंधरा जणांनी आरोग्य शिबिर आयोजित केले होते. यासाठी परवानगी न घेतल्याने त्यांच्यावर पोलिसांनी आपत्ती व्यवस्थापन कायद्यांतर्गत गुन्हा दाखल केला.
महत्वाच्या बातम्या
- ‘रावसाहेब दानवे हे आमचे चांगले मित्र, त्यांच्या विनोदी शैलीचे कौतुकच’, राऊतांची प्रतिक्रिया
- बाजारभावापेक्षा कमी किमतीतच जमीन खरेदी, राममंदिर ट्रस्टचा खुलासा
- अजित पवारांच्या आवाहनावर संभाजीराजेंची प्रतिक्रिया, म्हणाले..
- नेता म्हणून नव्हे तर कोल्हापूरचा नागरिक म्हणून मोर्चात आलोय – चंद्रकांत पाटील
- मराठा समाजाला दिशा देण्यासाठी आजचं आंदोलन – संभाजीराजे
