मोदींविरोधात ट्विट करणे पडले महागात

🕒 1 min read

नवी दिल्ली : पंतप्रधान नरेंद्र मोदींविरोधात ट्विट करणे एका पायलटला चांगलंच महागात पडलं आहे. या पायलटला विमान कंपनीनं निलंबित केलं आहे. निलंबित करण्यात आलेल्या पायलटनं यापूर्वी हवाई दलामध्येही काम केले होते.

‘गो एअर’ विमान कंपनीतील पायलट मिक्की मलिक यांनी पंतप्रधान मोदी यांच्याबद्दल आक्षेपार्ह ट्विट केले होते. त्यांच्या या ट्विट्सची कंपनीनी तातडीनं दखल घेत शनिवारी त्यांना नोकरीवरुन निलंबित केलं आहे. ‘गो एअर एअरलाईन्स या प्रकराच्या कोणत्याही गोष्टी कधीही खपवून घेणार नाही. कंपनीच्या कर्मचाऱ्यांना नोकरीचे नियम, तसंच नीतीदर्शक तत्वांचं पालन करणे अनिवार्य आहे. सोशल मीडियावरील८९ वर्तनाचाही यामध्ये समावेश आहे. कंपनीच्या कर्मचाऱ्यांनी व्यक्त केलेल्या विचारांचा एअरलाईन्सशी कोणताही संबंध नाही’ असं कंपनीच्या वतीनं स्पष्ट करण्यात आलं आहे.

या प्रकरणानं वेगळं वळण घेतल्यानंतर कॅप्टन मलिक यांनी माफी मागितली आहे.”माझ्या ट्विट्सचा कंपनीशी कोणताही संबंध नव्हता. ते संपूर्णपणे माझे वैयक्तिक विचार होते. मी या कृतीची जबाबदारी घेतो. त्याचबरोबर या प्रकरणामुळे ज्यांच्या भावना दुखावल्या आहेत, त्यांची माफी मागतो” असं मलिक यांनी स्ष्ट केलं आहे.

या प्रकरणात कंपनीनं केलेली कारवाई मान्य असल्याचं मलिक यांनी स्पष्ट केलं आहे. त्याचबरोबर मलिक यांनी मोदींवर टीका करणारे आक्षेपार्ह ट्विट्स काढून टाकले असून ट्विटर अकांऊट बंद केले आहे.

महत्वाच्या बातम्या

• वसंतदादा शुगर इन्स्टिट्यूटची केंद्रे देशभरात निर्माण व्हावीत – उद्धव ठाकरे
• ..हा तर एमआयएमला बदनाम करण्याचा डाव-खा.इम्तियाज जलील
• आजारी कर्मचाऱ्याला भेटण्यासाठी रतन टाटा मुंबईहून पुण्यात पोहोचले, पण…
• औरंगाबादेत ‘मास्क’ न वापरणाऱ्यांनी भरला ’70’ लाखांचा दंड
• अमित शहा हे देशाचे गृहमंत्री आहेत की भाजपचे प्रचारमंत्री; चाकणकरांचा घणाघात