मुंबई : कोरोना संसर्गामुळे मे महिन्याच्या पहिल्या आठवड्यात भारतात सुरु असलेली आयपीएल स्पर्धा स्थगित करण्यात आली. ही स्पर्धा स्थगित झाल्यानंतर काहीच दिवसात बीसीसीआयने इंग्लंड दौऱ्यासाठी भारतीय संघाची घोषणा केली. या दौऱ्यासाठी निवड झालेले खेळाडू सध्या मुंबईत विलगीकरणात आहे. मात्र या दौऱ्यात संघात निवड न झालेले खेळाडू मात्र घरीच आहेत.
यादरम्यान भारतीय युवा गोलंदाज नवदीप सैनी हा घरीच आहे. काही दिवसापुर्वी त्याने महिंद्रा यांनी भेट दिलेली थार ही गाडी चालवताना दिसत आहे. यानंतर सैनीने ट्विटरवर एक नवीन व्हिडीओ शेअर केला आहे. या व्हिडीओत सैनी हा हार्ले डेविडसन बाईकवर बसून शेतातील माती उडवण्याचा प्रयत्न करत आहे. या व्हिडीओत सैनीने शर्ट परिधान केलेला नाहीये, तसेच मास्कही परिधान केलेला नाही. हा व्हिडीओ बघुन अनेक चाहत्यांनी सैनीला हीरो बणन्याचा प्रयत्न नको करू असा सल्ला दिला आहे.
https://twitter.com/navdeepsaini96/status/1398893297830023170
तर काही चाहत्यांनी त्याला खेळावर लक्ष देण्याचा सल्ला देखील दिला आहे. एका चाहत्याने त्याला सचिन आणि कांबळी यांचे उदाहरण दिले आहे. तसेच काही चाहत्यांनी त्याला धुळ उडवल्यामुळे प्रदुषण पसरवत असल्याचा सल्ला दिला आहे. २०१९ मध्ये एकदिवसीय सामन्यात पदार्पण केलेल्या सैनीला आगामी श्रीलंका दौऱ्यात भारतीय संघात स्थान मिळण्याची शक्यता आहे.
https://twitter.com/theprayagtiwari/status/1398907281580855300
महत्त्वाच्या बातम्या
- वडिलांच्या निधनासाठी रुग्णालयाला जबाबदार धरत संभावना सेठने पाठवली कायदेशीर नोटीस
- छत्रपती संभाजीराजेंनी केलेल्या आरोपांवर गृहमंत्र्यांनी दिले स्पष्टीकरण,म्हणाले…
- पेट्रोल नॉट-आऊट @शंभरी पार; पुणेरी शैलीत काँग्रेसची मोदी सरकारला चपराक !
- २४ तासात ३९ किमीचा रस्ता बनवण्याचा विश्वविक्रम ‘राजपथ’च्या नावावर; ‘लिम्का बुक’मध्ये नोंद
- ‘…म्हणून शरद पवारांना भेटलो,’ देवेंद्र फडणवीसांचे मोठे विधान
