🕒 1 min read
अकोला : अकोला जिल्ह्यातील बाळापूरच्या राष्ट्रीय महामार्गावर बस आणि ट्रकची भीषण धडक झाल्याची घटना आज बुधवारी दुपारी घडली आहे. या घटनेनंतर दोन्ही वाहनांनी अचानक पेट घेतल्याने परिसरात मोठी खळबळ उडाली. अपघातात बस चालक गंभीर जखमी झाला आहे. बसमधील काही प्रवाशांना किरकोळ दुखापत झाली आहे.
बाळापूर जवळील राष्ट्रीय महामार्ग क्रमांक सहावरील शेळद फाट्याजवळ आज दुपारी एक वाजता बाळापूरवरुन अकोलाकडे जाणाऱ्या एसटी बसची व अकोलावरुन बाळापुरकडे जाणाऱ्या कोळशाचा ट्रकशी समोरासमोर जोरदार धडक झाली. या धडकेनंतर अचानक एसटीने आणि कोळशाने भरलेल्या ट्रकने पेट घेतला. यात ट्रक आणि बस जळून खाक झाले. घटनेची माहिती मिळताच अग्निशमन दलाने घटनास्थळी धाव घेत आगीवर नियंत्रण मिळवले.
दरम्यान, अपघातात एसटी चालकाला गंभीर दुखापत झाली असून, सात ते आठ प्रवासी किरकोळ जखमी झाले आहेत. चालकाला अकोला येथील रुग्णालयात दाखल करण्यात आले आहे. या अपघातानंतर बाळापूर महामार्गावर वाहतूक कोंडी झाली होती. बाळापूर पोलिसांनी वेळीच घटनास्थळ गाठून वाहतूक सुरळीत केली.
महत्त्वाच्या बातम्या
- राज्यातील जि.प. पोटनिवडणुकीत महाविकास आघाडीचा दबदबा, पाहा कोणाच्या पारड्यात किती जागा
- ‘उद्यापासून ‘घट’ बसतील, पण मुख्यमंत्री कधी उठतील?’, शालिनी ठाकरेंचे टीकास्त्र
- कुठलही ड्रग्ज सापडलेलं नाही; आर्यन खान प्रकरणी नवाब मलिकांची प्रतिक्रिया
- पीक विमा न भरलेल्यांनाही सरसकट मदत मिळावी यासाठी प्रयत्नशील’, मंत्री धनंजय मुंडेंची ग्वाही
- चुल्हीत गेलं मंत्रिपद, उद्या राजीनामा फेकतो; बच्चू कडू-अमोल मिटकरींमध्ये तुफान खडाजंगी
