‘लोकशाहीवर बोलणाऱ्यांची नाकेबंदी केली जातेय’, संजय राऊतांची भाजप सरकारवर टीका

नवी दिल्ली : दिल्लीमध्ये शिवसेना खासदार संजय राऊत यांनी पत्रकार परिषद घेतली. यावेळी राऊत यांनी लखीमपूर घटनेवर देखील भाष्य केले. याविषयी बोलत असतांना ते म्हणाले की,’उत्तर प्रदेशात घडलेल्या घटनेची तुलना राष्ट्रवादी काँग्रसेचे अध्यक्ष शरद पवार यांनी जालियनवाला बाग घटनेशी केली होती, ती तुलना योग्यच आहे. जनतेच्या संतापाला वाट मोकळी करुन देण हे विरोधकांचे काम आहे. काँग्रेस नेते राहुल गांधी लखीमपूरला जाणार आहेत, त्यांनाही अडवले जाईल. तसेच राहुल गांधी यांना उत्तर प्रदेश पोलिसांनी नोटिस बजाविल्याची माझी माहिती आहे, असेही राऊत यांनी स्पष्ट केले. लोकशाहीसंदर्भात आवाज जो उठवतो, त्याची नाकेबंदी केली जाते, देशद्रोही ठरविले जाते, अशा प्रकारचा अवलंब होत असेल तर देशामध्ये नव्या प्रकारली गुलामगिरी सुरु झाली, असे म्हणत राऊत यांनी भाजपवर टीकास्त्रांचा प्रहार केला.

पुढे बोलत असतांना ते म्हणाले की,’उत्तर प्रदेशमध्ये ज्या काँग्रेसचं अस्तित्व संपल होतं, तिथे प्रियांकांच्या समर्थनार्थ मशाल मोर्चे निघत आहेत. ही एकप्रकारची जागरुकता होत असून लोकं जागी होत असल्याचं लक्षात येतेय, असं संजय राऊत म्हणाले. भविष्यात काय होईल, हे आता पाहाव लागेल.’ तसेच राऊत यांनी काल राहुल गांधींसोबत झालेल्या भेटीसंदर्भातही माहिती दिली. भेटीत लखीमपूरविषयी चर्चा झाली, राजकीय चर्चाही झाली होती. लोकशाहीसंदर्भात आवाज जो उठवतो, त्याची नाकेबंदी केली जाते, देशद्रोही ठरविले जाते, अशा प्रकारचा अवलंब होत असेल तर देशामध्ये नव्या प्रकारली गुलामगिरी सुरु झाली, असेही ते म्हणाले.

दरम्यान, कम्युनिस्ट नेते कन्हैया कुमार यांनी काँग्रेसमध्ये प्रवेश केल्याने ते आता मुख्य प्रवाहात आलेले आहेत. कन्हैया कुमार यांनी काल भेट घेतली, त्यामध्ये विविध विषयांवर चर्चा केली, यावेळी बोलतांना असेही राऊत म्हणाले.

महत्वाच्या बातम्या:

• राहुल गांधींना उत्तर प्रदेशात येण्याची परवानगी नाही, प्रियंका गांधींसह ११ जणांना अटक
• उत्तर प्रदेशात झालेल्या निर्घृण हत्या सहन केल्या जाणार नाहीत- मुख्यमंत्री चरणजीत सिंग चन्नी
• ‘स्वातंत्र्याच्या ‘अमृत महोत्सवा’त शेतकऱ्यांच्या रक्ताच्या चिळकांड्या, याला ‘रक्त महोत्सव’ म्हणायचं का?’
• …म्हणून बारामतीला यायला प्रत्येकाला आवडतं; सुप्रिया सुळेंचा सोमय्यांना टोला
• तालिबान आणि योगी सरकारमध्ये केवळ दाढीचा फरक, खासदार रजनी पाटील यांचा आरोप