मुंबई: राज्यात सध्या अयोध्या दौरा सर्वाधिक चर्चेत आहे. मंत्री आदित्य ठाकरे १० जूनला अयोध्या दौऱ्यावर जाणार आहेत. तर दुसरीकडे मनसे अध्यक्ष राज ठाकरे यांचाही अयोध्या दौरा असणार आहे. मात्र त्यापूर्वीच अयोध्येत शिवसेनेकडून पोस्टरबाजी करण्यात आली आहे. यामधून राज ठाकरे (Raj Thackeray) यांच्यावर निशाणा साधण्यात आला आहे. या पार्श्वभूमीवरच औरंगाबाद मनसेचे जिल्हा अध्यक्ष सुमित खांबेकर (Sumit Khambekar) यांनी शिवसेनेला आव्हान दिले आहे.
“स्व.बाळासाहेब ठाकरे यांच्या निधनानंतर स्वतःला वारसदार म्हणणाऱ्यांनी हिंदुत्वासाठी एक भरीव काम केल्याचे उदाहरण सांगावे, जमत नसेल तर मनसेचे उदाहरणे आम्ही देतो म्हणजे सच्चा कोण हे लोकांना कळेल.”, असे ट्वीट सुमित खांबेकर यांनी केले आहे. सोबतच त्यांनी शिवसेना खासदार संजय राऊत यांना ते टॅग केले आहे.
स्व.बाळासाहेब ठाकरे यांच्या निधनानंतर स्वतःला वारसदार म्हणणार्यांनी हिंदुत्वासाठी एक भरीव काम केल्याचे उदाहरण सांगावे,जमत नसेल तर मनसेचे उदाहरणे आम्ही देतो म्हणजे सच्चा कोण हे लोकांना कळेल.@rautsanjay61
— Sumit Khambekar (@KhambekarSumit) May 9, 2022
दरम्यान ‘असली येत आहे, नकली पासून सावधान’, अशा शब्दांमध्ये शिवसेनेने राज ठाकरेंवर पोस्टरमधून निशाणा साधला आहे. तर राज ठाकरे 5 जूनला अयोध्येला जाणार आहेत. मनसेकडून त्यासाठी जोरदार तयारी करण्यात येत आहे. त्यानंतर संजय राऊत यांनी आदित्य ठाकरे हे देखील अयोध्याला जाणार असल्याची माहिती दिली होती. त्यामुळे पुन्हा एकदा शिवसेना-मनसे संघर्ष बघण्यास मिळत आहे.
महत्वाच्या बातम्या:
- “भाऊरावांनी केवळ क्रमिक शिक्षणच नव्हे, तर…”, छगन भुजबळांनी ट्वीट करत केले अभिवादन
- “…प्रवृत्तीस बळ देणारे एक दिवस याच मातीत मिसळतील”, पंजाबमधील ‘त्या’ घटनेवर संजय राऊतांचा इशारा
- IPL 2022 CSK vs DC : चेन्नईचा दिल्लीवर ‘सुपर’ विजय; तब्बल ९१ धावांनी पाजलं पराभवाचं पाणी!
- IPL 2022 CSK vs DC : गायकवाड-कॉनवेची सुरुवात आणि धोनीचा फिनिशिंग अंदाज..! चेन्नईचा दिल्लीसमोर २०८ धावांचा डोंगर
- IPL 2022 SRH vs RCB : दिनेश कार्तिकच्या तुफान फटकेबाजीने अफगाण गोलंदाज हैराण..! ठोकली षटकारांची हॅट्ट्रिक; पाहा VIDEO!
