मुंबई : आयपीएल २०२२ (IPL 2022)च्या ५५व्या सामन्यात चेन्नई सुपर किंग्जने दिमाखदार पद्धतीने दिल्ली कॅपिटल्सवर (CSK vs DC) विजय मिळवला आहे. नवी मुंबईतील डी. वाय. पाटील स्टेडियमवर पार पडलेल्या या सामन्यात चेन्नईने दिल्लीला ९१ धावांनी मात दिली. डेव्हॉन कॉनवे-ऋतुराज गायकवाड यांची शतकी सलामी आणि धोनीच्या फिनिशिंग धावांच्या जोरावर टॉस गमावलेल्या चेन्नईने दिल्लीसमोर २०८ धावांचा डोंगर उभारला होता. कॉनवेने ८७ धावांची खेळी करत दिल्लीच्या गोलंदाजांची धुलाई केली. प्रत्युत्तरात दिल्लीचे स्टार फलंदाज आव्हान पेलू शकले नाहीत. १७.४ षटकात ११७ धावांवर पंतसेना ऑलआऊट झाली.
दिल्लीचा डाव
चेन्नईच्या विशाल आव्हानाचा पाठलाग करताना दिल्लीचे सलामीवीप डेव्हिड वॉर्नर आणि श्रीकर भरत स्वस्तात तंबूत परतले. फिरकीपटू महिश थिक्षनाने वॉर्नरला (१९) पायचीत पकडले, तर सिमरजित सिंगने भरतला (८) झेलबाद केले. मोईन अलीने आपल्या फिरकीत मिचेल मार्श (२५), रिपल पटेल (६) आणि कप्तान ऋषभ पंत (२१) यांना अडकवत दिल्लीचा पराभव निश्चित केला. दिल्लीने ९९ धावांवर आपले आठ फलंदाज गमावले. १७.४ षटकात दिल्लीचा डाव ११७ धावांवर आटोपला. चेन्नईकडून मोईन अलीने ३ बळी घेतले. मुकेश चौधरी, सिमरजित सिंग, ड्वेन ब्राव्हो यांनी प्रत्येकी २ बळी घेतले.
Biggest wins by CSK in IPL (in terms of runs)
97 vs PBKS Chennai ,2015
93 vs DC Abu Dhabi, 2014
92 vs RCB Port Elizabeth, 2009
91 vs DC Mumbai DY Patil, 2022 (this game)#CSKvDC #IPL2022— Cricbuzz (@cricbuzz) May 8, 2022
चेन्नईचा डाव
डेव्हॉन कॉनवे आणि ऋतुराज गायकवाड यांनी पुन्हा एकदा चेन्नईला चांगली सुरुवात करून दिली. दोघांनी पॉवरप्लेमध्ये ५७ धावा केल्या. नवव्या षटकात कॉनवेने २७ चेंडूत आपले सलग तिसरे अर्धशतक पूर्ण केले. १०व्या षटकात या दोघांनी संघाचे शतक फलकावर लावले. पुढच्या षटकात वेगवान गोलंदाज एनरिक नॉर्कियाने ऋतुराजला बाद करत ही भागीदारी मोडली. ऋतुराजने ४ चौकार आणि एका षटकारांसह ४१ धावा केल्या. तर पहिल्या गड्यासाठी त्याने कॉनवेसोबत ११० धावा उभारल्या. कॉनवेने शिवम दुबेला सोबत घेत धावगती संथ होऊ दिली नाही. या दोघांनी अर्धशतकी भागीदारी केली. १७व्या षटकात खलील अहमदने कॉनवेला तर पुढच्या षटकात मिचेल मार्शने दुबेला बाद केले. कॉनवेने ७ चौकार आणि ५ षटकारांसह ८७ धावांची सुंदर खेळी केली, तर दुबेने १९ चेंडूत २ चौकार आणि २ षटकारांसह ३२ धावा ठोकल्या. महेंद्रसिंह धोनीने ८ चेंडूत १ चौकार आणि २ षटकारांसह नाबाद २१ धावा करत चेन्नईला दोनशेपार पोहोचवले. २० षटकात चेन्नईने ६ बादल २०८ धावा उभारल्या. दिल्लीकडून नॉर्कियाने ३ बळी घेतले.
दोन्ही संघांची Playing 11
चेन्नई सुपर किंग्ज – ऋतुराज गायकवाड, डेव्हॉन कॉनवे, रॉबिन उथप्पा, अंबाती रायुडू, मोईन अली, एमएस धोनी (यष्टीरक्षक/कप्तान), शिवम दुबे, ड्वेन ब्राव्हो, महेश थिक्षना, सिमरजीत सिंग, मुकेश चौधरी.
दिल्ली कॅपिटल्स – डेव्हिड वॉर्नर, श्रीकर भरत, मिचेल मार्श, ऋषभ पंत (यष्टीरक्षक/कप्तान), रोवमन पॉवेल, अक्षर पटेल, रिपल पटेल, शार्दुल ठाकूर, कुलदीप यादव, खलील अहमद, एनरिक नॉर्किया.
महत्त्वाच्या बातम्या –
IPL 2022चं कव्हरेज…थेट स्टेडियममधून…फक्त महाराष्ट्र देशावर! क्रीडा विश्वातील ताज्या बातम्या वाचण्यासाठी लॉग इन करा www.MaharashtraDesha.com
बातम्यांसाठी YouTube चॅनेल Subscribe करा
Subscribe Now
