औरंगाबाद : मागच्या २ वर्षांच्या कोरोनाच्या काळात आशा सेविकांनी केलेले कार्य अतिशय मोलाचे आहे. ज्या काळात कोरोना बाधित रुग्णांना त्यांचे जवळचे नातेवाईक हात लावायला सुद्धा घाबरत होते अशा वेळेस स्वतःच्या जीवाची, आपल्या कुटुंबातील सदस्यांची पर्वा न करता आशा सेविकांनी केलेले कार्य कौतुकास्पद असून समाजातील प्रत्येक व्यक्तीसाठी प्रेरणा देणारे असल्याचे प्रतिपादन शिवसेना आमदार प्रदीप जैस्वाल यांनी केले. आमदार अंबादास दानवे यांच्या वाढदिवसानिमित्त आशा सेविकांना भाऊबीज भेट या कार्यक्रमाच्या उद्घाटन प्रसंगी ते बोलत होते.
शिवसेना जिल्हाप्रमुख आमदार अंबादास दानवे यांच्या वाढदिवसानिमित्त शहरातील आशा सेविकांना भाऊबिज भेट या कार्यक्रमाचे आयोजन माजी नगरसेवक आत्माराम पवार यांनी केले होते. या कार्यक्रम प्रसंगी प्रमुख अतिथी आमदार प्रदिप जैस्वाल, क्रेडाई महाराष्ट्र राज्य संघटनेचे अध्यक्ष प्रमोद खैरनार, मसिआचे अध्यक्ष नारायण पवार, यांची प्रमुख उपस्थिती होती. यावेळी बोलताना आमदार अंबादास दानवे म्हणाले की आशा सेविकांना येणाऱ्या समस्या सोडविण्यासाठी शिवसेना कटिबद्ध असून त्यासाठी प्राधान्य दिले जाईल.
तापडिया नाट्य मंदिर या ठिकाणी घेतलेल्या या भाऊबीज कार्यक्रमात मध्ये एकूण २५० आशा सेविकांना भाऊबीज म्हणून साडी भेट देण्यात आली. यावेळी विधानसभा संघटक राजु वैद्य, उपजिल्हाप्रमुख संतोष जेजुरकर, शहरप्रमुख बाळासाहेब थोरात आदी शिवसैनिक पदाधिकारी आशा सेविका नागरिक मोठ्या संख्येने उपस्थित होते.
महत्त्वाच्या बातम्या
- निवडणूक प्रतिज्ञापत्रात गुन्हे लपवल्या प्रकरणी देवेंद्र फडणवीस अडचणीत?
- ओमायक्रॉनच्या पार्श्वभूमीवर आदित्य ठाकरेंचे केंद्र सरकारला पत्र
- दुसऱ्याचे अडीच कोटी भरता, मग तुमची थकबाकी का भरत नाही?- दीपक केसरकर
- ‘राणेंना एवढे महत्त्व कशाला’; पेडणेकरांचा खोचक सवाल
- ‘तोंड दिलं म्हणून काहीही बोलू नका, अजित पवारांना जातीयवादी…’
