यशवंत जाधव यांच्यावर पडलेल्या धाडीचे हादरे मुख्यमंत्र्यांपर्यंत गेलेले दिसताय- अतुल भातखळकर

🕒 1 min read

मुंबई : शिवसेना नेते यशवंत जाधव (Yashwant Jadhav) यांच्या माझगावमधील निवासस्थानी काल (२५ फेब्रु.) पहाटेच ईडीने धाड टाकली आहे. दरम्यान, मुंबई महानगरपालिकेच्या निवडणुका होणार आहेत आणि या निवडणुकीपूर्वीच होत असलेल्या या कारवाईमुळे चर्चांना उधाण आले आहे. याच पार्श्वभूमीवर भाजप नेते अतुल भातखळकर (Atul Bhatkhalkar) यांनी मुख्यमंत्री उद्धव ठाकरेंवर (Uddhav Thackeray) निशाना साधत टीकास्त्रांचा वर्षाव केला आहे.

यासंदर्भात अतुल भातखळकर यांनी ट्विट केले असून ट्विटमध्ये ते म्हणाले आहेत की,‘यशवंत जाधव यांच्यावर पडलेल्या धाडीचे हादरे मुख्यमंत्री उद्धव ठाकरे यांच्यापर्यत गेलेले दिसतायत. मुख्यमंत्री छत्रपती शिवाजी महाराजांच्या जयंतीला घराच्या बाहेर पडले नाहीत. परंतु एका खासगी कार्यक्रमाला ३ दिवसांनंतर ते बाहेर पडले. सगळीकडे गांज्याची शेती दिसतीये, असे ते म्हणाले. अहो मुख्यमंत्री साहेब प्रशासन तुमच्या हातात आहेत ना. चौकशी करा. तसेच चौकशीला निर्भयतेने सामोरे जा’, असे भातखळकर म्हणाले.

यशवंत जाधव यांच्यावर पडलेल्या धाडीचे हादरे मुख्यमंत्री उद्धव ठाकरे यांच्यापर्यत गेलेले दिसतायत. पत्रकारांशी बोलताना ढळलेला तोल स्पष्ट सांगतोय… pic.twitter.com/vHkfTnJ36M

— Atul Bhatkhalkar (@BhatkhalkarA) February 25, 2022

दरम्यान, पुढे ते म्हणाले की,‘त्याच्यामुळे तुम्ही हिंदुत्व सोडलं. दाऊदशी संबंध ठेवणाऱ्या माणसाला वाचवण्यासाठी त्याच्या मांडीला मांडी लावून तुम्ही मंत्रिमंडळात बसले. त्यामुळे तुमच्या ह्या फुकटच्या गप्पा आणि पातळी सोडून केलेली भाषा याच्यावरून जनता खुश होणार नाही. तुमचं पूर्ण स्वरूप आता उघडं पडलं आहे’, असेही ते यावेळी म्हणाले.

महत्वाच्या बातम्या:

• मराठा आरक्षणासाठी छत्रपती संभाजीराजे आजपासून आमरण उपोषणाला बसणार

• “हे मुख्यमंत्री की टोळीप्रमुख?”, मुख्यमंत्र्यांच्या टीकेवर भातखळकरांचे प्रत्युत्तर

• “…वजनाचं आंतरराष्ट्रीय स्पेस स्टेशन भारतावर पाडायचं का?”, रशियाने दिली अमेरिकेला धमकी

• भारतीय संघातील दुखापतीची मालिका संपेना ; ऋतुराज गायकवाड मालिकेतून बाहेर

• भारतीय संघ पाकिस्तान असलेल्या ‘या’ विक्रमी यादीत सामील होणार