मुंबई : राज्य आणि देशात गेल्या काही आठवड्यापासुन कोरोनाच्या संसर्गाने पुन्हा एकदा डोके वर काढले आहे. कोरोनाच्या वाढत्या प्रादुर्भावामुळे देशभरात वेगवेगळ्या ठिकाणी लॉकडाऊन लागु करण्यात आला होता. यादरम्यान पुन्हा एकदा अनेक बॉलिवुड चित्रपटांचे प्रदर्शन रखडले होते. मात्र कोरोनाचा प्रभाव ओसरु लागल्याने टप्याटप्याने लॉकडाउन शिथील करण्यात येत आहे. यादरम्यान अनेक रखडलेले चित्रपट प्रदर्शीत होण्याच्या मार्गावर आहे.
याच पार्श्वभूमिवर बॉलीवुडचा खिलाडी अक्षय कुमारने त्याचा आगामी चित्रपट बेल बॉटमच्या प्रदर्शनाची तारीख जाहीर केली आहे. येत्या २७ जुलै रोजी बेल बॉटम देशभरातील चित्रपटगृहात प्रदर्शित होईल अशी घोषणा त्याने सोशल मीडीयाच्या माध्यामातुन दिली. पहिले हा चित्रपट मागील वर्षी प्रदर्शित होणार होता मात्र कोरोना प्रादुर्भावामुळे हा त्याचे प्रदर्शन पुढे ढकलुन २ एप्रिल रोजी प्रदर्शीत करण्याचा निर्णय घेण्यात आला. मात्र पुन्हा लॉकडाऊन जाहीर झाल्यावर प्रदर्शन पुन्हा लांबले.
https://twitter.com/akshaykumar/status/1404673271883255811
यादरम्यान हा चित्रपट डिजीटल प्लॅटफॉर्मवर प्रदर्शित होईल अशी चर्चा देखील सुरु होती. मागील वर्षी कोरोना प्रादुर्भावामुळे अक्षय कुमारने त्याचा लक्ष्मी बॉम्ब हा चित्रपट डिस्ने हॉटस्टार या डिजीटल प्लॅटफॉर्मवर प्रदर्शित झाला होता. बेल बॉटम या चित्रपटाचे कथानक १९८० च्या दशकावर आधारित असून, यात अक्षय कुमार रॉ एजंटची भूमिका साकारताना दिसणार आहे. या चित्रपटात अक्षयसोबत अभिनेत्री हुमा कुरेशी, वानी कपूर, लारा दत्ता या कलाकारांचा समावेश आहे.
महत्वाच्या बातम्या
- ‘…तर लाँग मार्च शिवाय पर्याय नाही’, संभाजीराजे कडाडले
- ‘…म्हणून मी एकटा चर्चेसाठी मुंबईला जाणार नाही’ – खासदार संभाजीराजे
- एकटा संभाजी काय करणार ?, त्याच्या मागे 48 खासदारांनी दिल्लीत ताकद लावावी – शाहू महाराज
- ‘मुख्यमंत्री उद्धव ठाकरे यांना परवा भेटायला जाणार’ ; संभाजीराजेंची माहिती
- “मेरे रश्के कमर” या गाण्यामुळे सोनू कक्कर होतेय ट्रोल

