चिंताजनक! देशातील ओमायक्रॉनची रुग्णसंख्या ४१५ वर, केंद्रीय आरोग्य मंत्रालयाची माहिती

🕒 1 min read

नवी-दिल्ली : गत दोन वर्षांपासून कोरोनामुळे(Corona) जनजीवन विस्कळीत झाले होते ते पूर्वपदावर येत असतानाच आता कोरोनाच्या नव्या विषाणुने संपूर्ण जगाची चिंता वाढवली आहे. दक्षिण अफ्रिकेत आढळलेल्या ‘ओमायक्रॉन’(Omicron) हा विषाणू जास्त वेगाने फैलावणारा असल्याने अनेक देशांनी धास्ती घेतली आहे. यातच आता महाराष्ट्रातील ओमायक्रॉनची रुग्णसंख्या ४१५ वर पोहोचल्याची माहिती केंद्रीय आरोग्य मंत्रालयाने दिली आहे. तसेच यापैकी सर्वाधिक १०८ रुग्ण महाराष्ट्रात आढळले आहे.

केंद्रीय आरोग्य मंत्रालयाने दिलेल्या माहितीनुसार देशातील ओमायक्रॉनची रुग्णसंख्या ४१५ वर पोहोचली असून महाराष्ट्रात १०८, दिल्लीमध्ये ७९, गुजरातमध्ये ४३ , तेलंगणात ३८, केरळमध्ये ३७, तामिळनाडूत ३४, कर्नाटकात ३१, राजस्थानमध्ये २२, हरयाणा ४, ओडिशा ४, आंध्र प्रदेशमध्ये ४ , जम्मू काश्मीरमध्ये ४, पश्चिम बंगाल ३, उत्तर प्रदेशमध्ये २, चंदीगढमध्ये १, लडाखमध्ये १ तर उत्तराखंडमध्ये १, अशी रुग्णांची नोंद झाली आहे.

COVID19 | A total of 415 #Omicron cases were reported in 17 States/UTs of India so far. The number of persons recovered is 115: Union Health Ministry pic.twitter.com/DXuW4LBTeT

— ANI (@ANI) December 25, 2021

दरम्यान, आत्तापर्यंत देशात ११५ रुग्ण बरे झाले असून यामध्ये महाराष्ट्रातील ४२, दिल्लीतील २३, गुजरातमधील ५, केरळमध्ये १, कर्नाटक १४, राजस्थानमध्ये १९, हरयाणा २, आंध्र प्रदेश १ , जम्मू काश्मीर ३, पश्चिम बंगाल १, उत्तर प्रदेश २ तसेच लडाखमधील एकाचा समावेश आहे.

महत्त्वाच्या बातम्या

• नवाब मलिकांच्या ‘अतरंगी’ फोटोनंतर नितेश राणेंनी शेअर केला ‘हा’ फोटो; म्हणाले,‘ओळखा पाहू कोण?’
• ‘रात्रीस खेळ चाले’चा हा प्रयोग प्रभावी ठरणारा असला तरी…- संजय राऊत
• नियमांचे पालन सगळ्यात आधी पंतप्रधानांनी करायला हवे – संजय राऊत
• महाराजस्व अभियानांतर्गत विशेष मोहिम… शेतकऱ्यांना मिळणार ‘हे’ महत्वाचे पाच लाभ
• वेंगसरकरांचे गांगुली-विराटबाबत मोठं वक्तव्य