मुंबई: आपल्या भेदक गोलंदाजीने जगभरातील फलंदाजांची दाणादाण उडवणारा भारताचा आघाडीचा वेगवान गोलंदाज जसप्रित बुमराह आता लग्नबंधनात अडकला आहे. बुमराहची होणारी भावी बायको कोण आहे? याबाबत सुरुवातीला दोन नावांची जोरदार चर्चा होती. परंतु या चर्चांना आता पूर्णविराम मिळाला आहे. कारण बुमराह स्पोर्ट्स प्रेझेंटेटर संजना गणेशन हिच्याशी लगीनगाठ बांधली आहे.
सुरुवातीला बुमराहचं नाव दाक्षिणात्य अभिनेत्री अनुपमा परमेश्वरन हिच्याशी जोडलं जात होतं. या संदर्भात दोघांनीही अद्याप मौन बाळगलं आहे. मात्र, नुकतेच बुमराह याने आपल्या इंस्टाग्राम वरून आपल्या लग्नाचे फोटो शेअर करून यावर शिक्कामोर्तब केल.
The last few days have been nothing short of absolutely magical! We are so grateful for all the love & wishes we’ve received. Thank you. pic.twitter.com/dhWH918Ytu
— Jasprit Bumrah (@Jaspritbumrah93) March 19, 2021
दरम्यान आता बुमराहने लग्नानंतरची पहिली प्रतिक्रिया दिली आहे. बुमराह आणि स्पोर्ट्स एँकर संजना गणेशनसोबत लग्न झालं. 15 मार्चला गोव्यामध्ये हे दोघंही विवाहबंधनात अडकले. या नव्या जोडप्यावर सध्या जगभरातून अभिनंदनाचा वर्षाव होत आहे. या सर्व शुभेच्छांचा बुमराह आणि संजनां स्वीकार केला असून सर्वांचे आभार मानले आहेत. ‘गेले काही दिवस हे जादुई होते. तुम्ही सर्वांनी दिलेल्या शुभेच्छा आणि प्रेमामुळे आम्ही भारावून गेलो आहेत, धन्यवाद’ अशी प्रतिक्रिया बुमराहनं दिली आहे.
Overwhelmed by all the love we’ve been showered with over the last few days. We’ve been reading all your messages & wishes with the biggest smiles on our faces! Thank you. pic.twitter.com/13ykcffi9Z
— Sanjana Ganesan (@SanjanaGanesan) March 19, 2021
त्यानंतर बुमराह पाठोपाठ संजना गणेशननं देखील ट्विट करुन सर्वांचे आभार मानले आहेत. ‘गेल्या काही दिवसांपासून तुम्ही आमच्यावर जो प्रेमाचा वर्षाव केला आहे, तो अभुतपूर्व आहे. आम्ही तुमच्या सर्वाचे मेसेज आणि शुभेच्छा आम्ही वाचत असून त्या खूप आनंद देणाऱ्या आहेत. धन्यवाद,’ या शब्दात संजनानं सर्वांचे आभार मानले आहेत.
महत्वाच्या बातम्या
- मंत्र्यांच्या बंगल्यावर पैशांची उधळण ही तर मोगलशाही, बावनकुळे यांचा नितीन राऊतांवर प्रहार
- विमाक्षेत्रात एफडीआयचे प्रमाण ४९ टक्क्यांवरून ७४ टक्के इतके वाढवले
- धक्कादायक! बसमध्ये ८१ प्रवासी; जिंतूर येथील एस.टी. आगारात कोरोना नियम धाब्यावर
- यांच्यावर कारवाई होणार का? कोरोना तपासणी करणारे कर्मचारीच मास्कविना
- महाराष्ट्रात कोरोनाचा उद्रेक, मध्यप्रदेश सरकारने घेतला मोठा निर्णय…
