एक हात मदतीचा : ‘लवळे’करांनी गरजू व्यक्तींना धान्य वाटप करण्याचा राबवला उपक्रम

🕒 1 min read

लवळे : संपूर्ण देशात लॉकडाऊन असल्याने गावातील गरीब व रोजंदारीवर काम करणाऱ्या कुटुंबाला दोन वेळेच्या जेवणाचा प्रश्न निर्माण झाला आहे. तसेच गरजू लोकांसाठी अनेक मदतीचे हात देखील पुढे येत आहे. तसेच आता ग्रामीण भागातही ग्रामस्थ, ग्रामपंचायत, गावातील अनेक संस्था मदत करण्यास सरसवल्या आहेत.

याच पार्श्वभूमीवर ‘लवळे ग्रामपंचायत’ने देखील धान्य स्वरुपात गावातील गरजू नागरिकांना धान्य वाटप करण्याचा उपक्रम राबवला आहे. तसेच गरजूंना मदत म्हणून गावातील ग्रामस्थांकडून मोठ्या प्रमाणात धान्य ‘ग्रामपंचायत लवळे कार्यालयात’ जमा होत आहे. विशेष म्हणजे या उपक्रमामध्ये युवा कार्यकर्त्यांचा मोठा सहभाग आहे.

तसेच ‘मदत म्हणून आपण किमान ५ किलो तांदूळ आणि २ किलो डाळ अशी मदत करावी, असं आवाहन ‘लवळे ग्रामपंचायत’ने सोशल मिडीयाच्या माध्यमांतून केलं होतं. ‘लवळे’करांनी याला चांगला प्रतिसाद दिला आहे. तसेच जमा झालेलं धान्य प्रत्येकी एका कुटुंबाला ५ किलो देणार असल्याची माहिती ग्रामपंचायत व ग्रामस्थांनी दिली आहे.

दरम्यान, जीवनावश्यक वस्तूंसाठी नागरिकांनी गर्दी करू नका, ‘कोरोना’शी दोन हात करण्यासाठी प्रत्येकांनी आरोग्याची काळजी घ्या, ‘लॉकडाऊन’ला चांगला प्रतिसाद घ्या, पोलिसांना सहकार्य करा,’ असं आवाहन ‘लवळे ग्रामपंचायत’ने केलं आहे.