आमच्या आंदोलनाच्या पवित्र्यामुळेच सरकारची जिम उघडण्याची तयारी -भाजयुमो 

🕒 1 min read

मुंबई-राज्यातील जिम दसऱ्याच्या मुहूर्तावर पुन्हा एकदा सुरु होणार आहेत.भारतीय जनता युवा मोर्चासह पुण्यातील अनेक संघटना,जिम चालक यासाठी प्रयत्न करत होते मात्र  आमच्या आंदोलनाच्या पवित्र्यामुळेच सरकारची जिम उघडण्याची तयारी दाखवली असा दावा भारतीय जनता युवा मोर्चाने केला आहे.

दिनांक १६ ऑक्टोबर रोजी महाराष्ट्रातील युवांसमोरील काही ज्वलंत प्रश्न घेऊन भारतीय जनता युवा मोर्चाच्या वतीने प्रदेश अध्यक्ष विक्रांत पाटील व त्यांच्या सहकाऱ्यांनी राज्यपालांची भेट घेतली.महाराष्ट्रातील असंख्य युवांचा प्रश्न म्हणजे जिम सुरू करणे, भारतीय जनता युवा मोर्चा ने त्या विषयाला हात घातला व राज्य सरकार च्या जिम विषयीच उदासीन धोरणा विषयी ‘जिम खोलो आंदोलनाची’ हाक दिली होती.

आंदोलनाची माहिती मिळताच राज्य सरकार सतर्क झाल्याचे दिसून आले.अनेक ठिकाणी भाजयुमो कार्यकर्त्यांनी पोलीस स्टेशन मध्ये जाऊन आंदोलनाच्या घेतलेल्या परवानग्या तसेच सोशल मीडिया च्या माध्यमातून दिवसभर चालविलेले campaign हे सर्व विषय राज्य सरकार दरबारी पोहचले म्हणून भाजयुमो च्या या आक्रमक पवित्र्यामुळे मुख्यमंत्री  ठाकरे यांना घाईघाईने व्हिडिओ कॉन्फरन्सिंग करत जिम उघडण्यासाठी सकारात्मक असल्याचे बोलून दाखवावे लागले.

भाजयुमो प्रदेश अध्यक्ष विक्रांत पाटील यांनी सांगितले की, आमच्या आंदोलनाच्या हाकेला मिळालेलं हे यश आहे ,म्हणून या निमित्ताने अनेक जिम चालकांशी केलेल्या चर्चेअंती असे ठरले की,राज्य सरकारला या पूर्वी अनेक संधी दिल्या त्यामुळे आता अजून एक संधी देऊन पाहावे आणि दसऱ्यापर्यंत जिम उघडण्याची सकारात्मक वाट पहावी. या सरकारने या आधीही अनेक विषयात घुमजाव ची भूमिका घेतली आहे, परंतु जिम संदर्भात अशी भूमिका राज्य सरकारने घेतली तर आंदोलनाचा आमचा पवित्रा कायम राहील; युवांची अशी फसवणूक राज्य सरकार करणार नाही तसेच युवांसाठी महत्त्वाच्या आणि अनेकांचे रोजगार ज्यावर आहेत अश्या जिम त्वरीत सुरू होतील अशी आशा व्यक्त करीत असल्याचे त्यांनी सांगितले.

महत्वाच्या बातम्या-

• नुकसानग्रस्त शेतकऱ्यांना त्वरित ‘धनादेश’ देऊन ठाकरेंनी दाखवली तत्परता
• टीआरपी घोटाळ्याप्रकरणी ‘अर्णब गोस्वामी’ची उच्च न्यायालयात धाव 
• सुपरसॉनिक क्रूझ क्षेपणास्त्र ब्रह्मोसची यशस्वी चाचणी
• ‘अतिवृष्टीमुळे झालेल्या नुकसानीच्या परिस्थितीचे गांभीर्य शासनाच्या लक्षात आले आहे’
• कोरोनाविरोधातील लढ्यासाठी केंद्राने आतापर्यंत राज्यांना 1352 कोटी रुपये केले जारी