मुंबई : मुंबईत शिवतीर्थ मैदानावर उद्धव ठाकरे गटाचा दसरा मेळावा तर बीकेसी मैदानावर एकनाथ शिंदे गटाचा दसरा मेळावा साजरा होत आहे. सकाळपासूनच संपूर्ण राज्यभरातून शिवसैनिक यायला सुरुवात झाली होती. आमचीच शिवसेना खरी असल्याचा दावा दोन्ही गटांकडून केला जात आहे. हे प्रकरण सर्वोच्च न्यायालयात देखील गेले आहे. मात्र आज संध्याकाळी कुणाच्या दसरा मेळाव्याला जास्त गर्दी होणार यावरूनच खरी शिवसेना कोणाची या प्रश्नाचं उत्तर मिळणार आहे. या पार्श्वभूमीवर उद्धव ठाकरे यांनी एकनाथ शिंदे यांच्यावर जहरी टीका केली आहे.
शिवाजी पार्क मैदानावर होत असलेल्या, शिवसेनेच्या दसरा मेळाव्यात उद्धव ठाकरे बोलत होते. यावेळी त्यांनी भाजप आणि शिंदे गटावर जोरदार टीका केली. एकनाथ शिंदे यांना स्वतःच्या बापाच्या नावावर मतं मागायला काय होतंय? असा सवाल त्यांनी यावेळी केला आहे. यांची बाप चोरणारी औलाद असल्याची जहरी टीका देखील उद्धव ठाकरे यांनी एकनाथ शिंदे यांच्यावर केली आहे.
पाकव्याप्त काश्मीरमधला एक इंचही तुकडा परत घेऊ शकला नाहीत. चीन, लेह-लडाखमध्ये घुसतंय. ती जमीन घेऊन दाखवा. आम्ही तुम्हाला डोक्यावर घेऊन नाचू अस देखील उद्धव ठाकरे म्हणाले आहेत. हे गद्दार कशाला हवेत. गद्दारांच्या पालखीत बसून कशाला मिरवताय? पण तिकडे शेपट्या घालायचे आणि इकडे येऊन पंजे काढायचे ही काय मर्दुमकी आहे का? असा खोचक सवाल उद्धव ठाकरे यांनी केला आहे.
कोंबडीचोरावर, बाप चोरांवर या मेळाव्यावर जास्त बोलायचं नाही. या व्यासपीठाला एक अर्थ आहे, पावित्र्य आहे. ही सगळी लोकं आपल्यासाठी आले आहेत. शिव्या देणं खूप सोपं असतं, पण विचार देणं फार कठीण असतं. मी ती परंपरा पुढे नेण्याचा प्रयत्न करतो असंही उद्धव ठाकरे म्हणालेत.
महत्वाच्या बातम्या :
- Dasara Melava | “हिंदुह्रदयसम्राट मैद्याचं पोतं कुणाला म्हणायचे?” ; शहाजी पाटलांचा शरद पवारांवर हल्लाबोल
- Eknath shinde | एकनाथ शिंदेंच्या दसरा मेळाव्यात बाळासाहेबांची खुर्ची ; बाजूला उभे राहणार चरणसिंग थापा
- Shahajibapu Patil | “त्या उद्धव ठाकरेला फोन करा आणि…”, शहाजीबापू पाटलांचा एकेरी उल्लेख करत घणाघात
- Dasara Melava । आदित्य ठाकरेंच्या ज्ञानाची किव येते; बीकेसीतून पावसकरांचा हल्लाबोल
- Eknath Shinde | एकनाथ शिंदेंच्या मेळाव्याला जाणाऱ्या लोकांना माहितीच नाही ते कुठे चालले
