केंद्रीय आरोग्य पथक आले अन् बाधित होऊन गेले

सोलापूर : कोरोना परिस्थितीचा आढावा घेण्यासाठी दोन सदस्यांचे पथक सोलापूर दौऱ्यावर आले होते. पण पथकाच्या वाहनाचा चालक आणि एका सदस्याला कोरोनाची लागण झाल्याने पाहणी दौरा कागदावरच राहिला. जिल्हाधिकारी कार्यालयाने शासनाला पथकातील सदस्यांना कोरोना झाल्याचे कळवले. पण त्यानंतर दुसरे पथक पाहणीसाठी आलेच नाही.

केंद्र शासनाने कोरोना परिस्थितीची पाहणी करणे व त्यावर उपाययोजना करण्यासाठी दोन सदस्यांचे पथक पाठवले होते. पण ज्या वाहनाने पथक आले होते त्या वाहनचालकाला कोरोनाचा संसर्ग झाला. दुसऱ्या दिवशी पथकातील सदस्य डॉ.ए.जी.आलोन यांचाही अहवाल पॉझिटिव्ह आला. तर दुसरे सदस्य पीयूष जैन यांना क्वारन्टाईन करण्यात आले. उपचारानंतर पथकातील दोन्ही सदस्य आल्या पावली परत गेले. दुसरे पथक येणार असल्याचे सांगण्यात आले, पण प्रत्यक्षात पथक आलेच नाही.

सोलापूर शहर आणि ग्रामीण भागातील कोरोना स्थिती गंभीर असताना पथक पाहणी करणे, त्याचा केंद्र व राज्य शासनाला अहवाल सादर करणे अपेक्षित आहे. इतर जिल्ह्यात पथकाकडून पाहणी करून अहवाल सादर करण्यात आला, आणखी सोलापूर जिल्ह्यास पथकाची प्रतीक्षा आहे. प्रशासनाकडे केंद्रीय पथक येणार का, याची विचारणा केली असता पथक येणार नसल्याचे सांगण्यात आले. शिवाय पथकाचे सदस्य बाधित निघाल्याने पाहणी करता आले नसल्याचे शासनाला कळवले होते.

महत्वाच्या बातम्या

• ‘त्या रिकाम्या जागेत तू नेहमीच जिवंत राहशील बाळा’, पंकजा मुंडेंच्या पोस्टने सोशल मीडिया गहिवरला
• ‘प्रीतम मुंडेंनी त्यांचा खासदार निधी कोविड सेंटरसाठी वापरावा’, वंचितची मागणी
• ‘भाजप ५० हजार रेमडेसिविर देणारच’, प्रवीण दरेकर भुमिकेवर ठाम
• दैव बलवत्तर! ऑक्सिजन संपण्याच्या ३० मिनिटांपूर्वी पोहोचला टँकर; ५०० रुग्ण बचावले
• विकास दुबे एन्काऊंटर प्रकरणात पोलिसांना क्लीन चिट