🕒 1 min read
परभणी : परभणी जिल्ह्यातील पाथरी शहरातील शाहूनगर येथील २० वर्षीय युवती चार दिवसापूर्वी वह्या आणण्यासाठी गेली होती. ती घरी परतलीच नाही. दरम्यान गुरुवारी सकाळी या युवतीचा मृतदेह ढालेगाव बंधाऱ्यातील पाण्यावर तरंगताना आढळून आला. संपदा घुले ( २०) असे मृत युवतीचे नाव आहे.
चार दिवसांपूर्वी संपदा घुले ( २०) ही मुलगी वह्या खरेदी करण्यासाठी म्हणून गेली ती गुरवारपर्यंत घरी परतली नाही. दरम्यान तिच्या कुटुंबीयांनी शहरामध्ये शोधाशोध केली. परंतू तिचा शोध लागला नसल्याने संपदा हरवल्याची तक्रार तिच्या वडीलांनी पाथरी पोलिसात तक्रार दिली होती. गुरुवारी ढालेगाव पुलावर एक स्कूटी बेवारस स्थितीत आढळून आली. दरम्यान गुरुवारी सकाळी या युवतीचा मृतदेह ढालेगाव बंधाऱ्यातील पाण्यावर तरंगताना आढळून आला.
त्या तरुणीने आत्महत्या केली की घातपात या बाबत पाथरी पोलिस शोध घेत आहेत. सापडलेले वाहन पोलिसांनी मृताचे वाहन असल्याची शंका व्यक्त केली आहे. या संदर्भात पोलिसांना माहिती दिल्यानंतर स्थानिक मच्छीमारांच्या मदतीने मृतदेह बाहेर काढला. शवविच्छेदनासाठी पाथरी ग्रामीण रुग्णालयात दाखल केले.
महत्वाच्या बातम्या
- महाविकास आघाडी सरकारने नुकसानग्रस्तांना तत्काळ मदत करावी-पंकजा मुंडे
- महावितरणचा वीज वसुली मोर्चा मनपाकडे; दोन दिवसाचा अवधी
- पोलिस कर्मचाऱ्याने दिली आत्महत्येची धमकी, सोशल मिडियावर ऑडीओ क्लिप व्हायरल
- सातारा पोलिसांनी चोरट्यांकडून हस्तगत केलेला मुद्देमाल केला फिर्यादींना परत
- ‘काही साप चावतात, काही चावत नाहीत ; पण त्यांना ठेचायचं असतं’
