मुंबई : आयसीसी आयोजीत जागतीक कसोटी चॅम्पियनशीप स्पर्धेचा अंतिम सामना दोन दिवसावर येउन ठेपला आहे. या सामन्याची उत्सुकता शिगेला पोहोचली असताना मंगळवारी १५ जुन रोजी दुपारी न्युझीलंडने या सामन्यासाठी संघाची घोषणा केली. यानंतर काही वेळातच बीसीसीआयने देखील या सामन्यासाठी भारतीय संघाची घोषणा केली.
बीसीसीआयने या सामन्यासाठी १५ सदस्यीय संघाची घोषणा केली आहे. अपेक्षेप्रमाणे कर्णधारपद विराट कोहली आणि उपकर्णधारपद अंजिक्य रहाणेकडे सोपवण्यात आले आहे. सलामीसाठी रोहित शर्माच्या सोबतीला शुभमन गीलचा समावेश केला आहे. मंयक अग्रवालचा सलामीवीर म्हणून पत्ता कट झाला आहे. तिसऱ्या क्रंमाकावर फलंदाजी करणारा चेतेश्वर पुजारा संघात कायम आहे. त्याच्या सोबतीला फलंदाज हनुमा विहारीचा समावेश संघात करण्यात आला. यष्टीरक्षक म्हणून भारताने रिषभ पंत आणि वृद्धीमान साहा दोघांची निवड झाली आहे.
????️ #TeamIndia announce their 15-member squad for the #WTC21 Final ???? ???? pic.twitter.com/ts9fK3j89t
— BCCI (@BCCI) June 15, 2021
या संघात फिरकीपटु म्हणून आर अश्विन हा एकमेव खेळाडु आहे. त्याच्या सोबतीला अष्टपैलु रविंद्र जडेजाचा समावेश संघात करण्यात आला आहे. गोलंदाजीमध्ये जसप्रीत बुमराह, इशांत शर्मा, मोहम्मद शमी आणि उमेश यादव या अनुभवी गोलंदाजचा समावेश केला आहे. तर यांच्या साथीला नवोदीत मोहम्मद सिराजचा समावेश संघात करण्यात आला आहे. येत्या १८ ते २२ जुन दरम्यान भारत आणि न्युझीलंड संघादरम्यान डब्ल्युटीसी स्पर्धेचा अंतिम सामना खेळविण्यात येणार आहे.
भारतीय संघ
रोहित शर्मा, शुबमन गिल, चेतेश्वर पुजारा, विराट कोहली (कर्णधार), अजिंक्य रहाणे (उपकर्णधार), हनुमा विहारी, रिषभ पंत (यष्टीरक्षक), वृद्धीमान सहा (यष्टीरक्षक), आर अश्विन, रविंद्र जडेजा, जसप्रीत बुमराह, इशांत शर्मा, मोहम्मद शमी, उमेश यादव, मोहम्मद सिराज.
महत्वाच्या बातम्या
- तिसऱ्या लाटेसाठी औरंगाबाद मनपाला हवेत ७७ कोटी ७३ लाख रुपये, राज्यशासनाकडे पाठवला प्रस्ताव!
- बीडमध्ये रेशन दुकानदारकडून लाच घेतना पुरवठा निरीक्षक एसीबीच्या जाळ्यात
- सुखद! मराठा आरक्षणासाठी बलिदान दिलेल्यांच्या घरातील तीन जणांची एसटीत नियुक्ती
- पेट्रोल, डिझेल दरवाढीविरोधात औरंगाबादेत बहुजन मुक्ती पार्टीचे ‘वाहनांना धक्का’ मारो आंदोलन!
- राहुल गांधींची वादग्रस्त प्रकरणी टीका आणि योगींनी संतापात राहुल गांधींची लाजच काढली !
