T20 World Cup : संजू सॅमसन ऐवजी दीपक हुडाची निवड का करण्यात आली? जाणून घ्या कारण

🕒 1 min read

नवी दिल्ली : ICC T20 विश्वचषक 2022 साठी 15 सदस्यीय भारतीय संघाची घोषणा करण्यात आली आहे. या संघात मोहम्मद शमी, श्रेयस अय्यर, रवी बिश्नोई आणि दीपक चहर यांची स्टँडबाय खेळाडू म्हणून निवड करण्यात आली आहे. ऋषभ पंत आणि दिनेश कार्तिक हे दोन यष्टीरक्षक फलंदाज आहेत. संजू सॅमसन याची संघात निवड झाली नसल्याने चाहते प्रचंड नाराज आहेत. मात्र, निवडकर्त्यांनी संजू सॅमसनला न निवडण्यामागे कॉम्बिनेशनचा हवाला दिला आहे.

ऋषभ पंतच्या आशिया चषक 2022 मधील खराब कामगिरीनंतर सोशल मीडियावर ऋषभ पंतऐवजी संजू सॅमसनचा संघात समावेश करावा, अशी मागणी होत होती. चाहते सोशल मीडियावर दोन्ही खेळाडूंचे आकडे देऊन सॅमसनला पंतपेक्षा सरस ठरवण्याचा प्रयत्न करत होते. यासोबतच चाहते असेही म्हणत होते की, ऋषभ पंतला खूप संधी देण्यात आल्या आहेत, मात्र तो टी-20 मध्ये स्वत:ला सिद्ध करण्यात अपयशी ठरला आहे. दुसरीकडे, सॅमसनला कमी संधी मिळाल्या आहेत, परंतु तरीही तो यशस्वी ठरला.

…असा खेळाडू आम्हाला हवा होता –

चाहत्यांच्या वाढत्या संतापाच्या पार्श्वभूमीवर, निवड समितीच्या एका सदस्याने इनसाइड स्पोर्टला सांगितले, “संजूमध्ये अर्थातच जगातील सर्व प्रतिभा आहे, परंतु तो फिटनेसमध्ये बसत नाही. सध्या आपला आघाडीवर फलंदाजी करणारा भारी संघ आहे. अशा स्थितीत कुणाला दुखापत झाली तर अवघड होऊन बसते. त्यामुळे गरज असताना 1-2 षटके टाकू शकेल असा खेळाडू आम्हाला हवा होता. हुड्डा आम्हाला तो पर्याय देतो. त्याने आधीच आपले फलंदाजीचे पराक्रम सिद्ध केले आहे.

सॅमसनला विश्वचषकाला मुकावे लागणे दुर्दैवी-

“संजू सॅमसनला विश्वचषकाला मुकावे लागणे दुर्दैवी आहे. तो प्रतिभावान खेळाडू आहे आणि म्हणूनच आम्ही त्याच्यावर लक्ष ठेवून आहोत. पण शेवटी, हे सर्व संघ संयोजनाबद्दल आहे. आमच्याकडे आधीच दिनेश आणि ऋषभ हे दोन यष्टिरक्षक आहेत. अशा स्थितीत तिसर्‍या कीपरला ऑस्ट्रेलियात नेणे निरर्थक ठरले असते. पण याचा अर्थ असा नाही की संजू आमच्या योजनांचा भाग नाही. भविष्यात त्याला वनडे आणि टी-20 मध्ये संधी मिळेल.

महत्वाच्या बातम्या :

• Anil Deshmukh | अनिल देशमुखांच्या अडचणीत वाढ! न्यायालयीन कोठडी मुक्काम वाढला
• Umesh Kolhe Case : गुन्हेगाराचा पत्ता सांगा, 2 लाखांचे बक्षीस मिळवा, उमेश कोल्हे हत्याकांडप्रकरणी NIA ची घोषणा
• Whatsapp Calling | आता व्हॉट्सअँप कॉलिंगसाठी जास्तीचे पैसे मोजावे लागणार?
• VIDEO : T20 विश्वचषकापूर्वी टीम इंडियासाठी नवी जर्सी सादर करणार BCCI
• Lumpi Virus| लम्पी व्हायरसमुळे राजस्थानमध्ये 50 हजारांहून अधिक गायींचा मृत्यू, जाणून घ्या काय आहे व्हायरस