रस्त्यांची दुरुस्ती व समस्यांबाबत सुप्रिया सुळेंचे गडकरींना निवेदन

पुणे : राष्ट्रवादी काँग्रेस पक्षाच्या खासदार सुप्रिया सुळे यांनी केंद्रीय रस्ते वाहतूक व महामार्ग मंत्री नितीन गडकरी यांची भेट घेत बारामती लोकसभा मतदार संघातील विविध रस्त्यांची समस्या व इतर मागण्यांचे निवेदन दिले आहे.

नितीन गडकरी हे कात्रज चौक उड्डानपूलाच्या भूमिपुजनासाठी आले होते. यावेळी सुप्रिया सुळे त्यांची भेट घेतली. बारामती लोकसभा मतदार संघातील भोर, कोल्हा, मुळशी, हवेली, दौंड, पुरंदर येथील रस्त्यांच्या समस्येबाबत गडकरींना निवेदन दिले आहे.

यावेळी सुप्रिया सुळे यांनी पुढील मागण्या निवेदनात केल्या आहेत. भोर व वेल्हा तालुक्यातील महाड- रानवाडी -कर्णवडी- मढेघाट – केळद – पासली – भट्टी – वेल्हे – आंबवणे – नसरापूर – चेलाडी फाटा हा मार्ग केंद्रीय मार्ग निधी योजनेमध्ये समाविष्ट करावा, तसेच १०६ हा रस्ता राष्ट्रीय महामार्ग ४८ पुणे बेंगलोर व राष्ट्रीय महामार्ग ६६ मुंबई गोवा या महामार्गांना जोडावा, राष्ट्रीय महामार्ग ४ पुणे सातारा या रस्त्याच्या कामाचा दर्जा अतिशय खराब आहे ते काम तातडीने पूर्ण करावे.

गोगलवाडी गावात इंड्रस्ट्रियल ऐरीया असल्याने तिथे व्हेईकल अंडरपास मंजूर करावे, महाड पंढरपूर रस्ता रुंदीकरणासाठी निधी द्यावा, मुळशी तालुक्यातील कोकणात जाणारा एनएच ७५३ या राष्ट्रीय महामार्गावरील भूगाव, पिंरगुट, घोटावडे फाटा व पौंड येथे उड्डानपूल तयार करावा, तसेच या महामार्गाचे चौपदरीकरण अतिशय संथ गतीने सुरु आहे त्याला गती द्यावी, यासह हवेली दौंड पुरंदर रस्त्याचे काम तातडीने पूर्ण करावे यासह आदी रस्त्यांबाबत मागण्या केल्या आहेत.

कात्रज चौक उड्डाणपूलाच्या भूमीपुजन कार्यक्रमात आपल्या बारामती लोकसभा मतदारसंघातील विविध मागण्यांचे निवेदन केंद्रीय रस्ते वाहतूक व महामार्ग मंत्री नीतीनजी गडकरी यांना दिले. यामध्ये पुणे-सातारा रस्त्याचे काम लवकरात लवकर पुर्ण करावे. pic.twitter.com/J6ANulPXbL

— Supriya Sule (@supriya_sule) September 24, 2021

महत्वाच्या बातम्या

• राज्यात घटना घडल्यावर अन्य राज्यांकडे बोट दाखविणे, ही असंवेदनशीलता : देवेंद्र फडणवीस
• ‘ज्या माणसाने एका डॉक्टर महिलेला खोट्या केस मध्ये ५२ दिवस तुरुंगात ठेवलं, त्याने…’
• कोयना धरणग्रस्तांचे प्रलंबित प्रश्न तातडीने मार्गी लावण्याचे उपमुख्यमंत्री अजित पवार यांचे निर्देश
• ओशो आश्रमातील गैरकारभाराची सरकारने चौकशी करावी; ओशो अनुयायांची आठवलेंकडे मागणी
• पंतप्रधान नरेंद्र मोदी घेणार जो बायडन यांची भेट; संयुक्त राष्ट्रांच्या आमसभेलाही संबोधित करणार