सोलापूर – देशात कोरोनाने थैमान घातले आहे. रुग्णांच्या संख्येत झपाट्याने वाढ होत आहे. गेल्या काही दिवसांपासून दररोज तीन लाखांहून अधिक रुग्ण आढळून येत असल्याने प्रशासनाची चिंता वाढली आहे. विविध राज्यात कोरोनामुळे मृत्यू होण्याचे प्रमाण वाढले आहे.सर्वसामान्य नागरिकांसह,अनेक नेते,खेळाडू,कलाकार कोरोनाच्या विळख्यात अडकून मृत्युमुखी पडत आहेत.
यातच आता राज्यातील पहिल्या बॅचच्या महिला एसटी कंडक्टर सुनंदा अशोक कुंभार यांचा कोरोनाने मृत्यु झाला आहे. 21 एप्रिलला सुनंदा यांनी आपली कोरोनाची चाचणी करून घेतली होती. त्यावेळी त्यांच्या चाचणीचा अहवाल हा पॉझिटिव्ह आला. त्यानंतर त्या सोलापूरच्या शासकीय रुग्णालयात दाखल झाल्या. मात्र उपचारादरम्यान सुनंदा यांची वयाच्या 45 व्या वर्षी प्राणज्योत मालवली.
सुनंदा या नोव्हेंबर २००० पासून एसटीच्या सेवेत रुजू झाल्या होत्या. मनमिळाऊ स्वभाव आणि प्रवाशांना सेवा देण्यासाठीच्या तत्परतेमुळे त्यांनी सोलापूर विभागात स्वत:चे स्थान निर्माण केले होते. ‘एसटी’त रुजू झाल्यापासून त्यांनी उस्मानाबाद, तुळजापूर, बार्शी आणि सोलापूर या ठिकाणी वाहक म्हणून सेवा बजावली.
सुनंदा कुंभार यांच्या पश्चात पती, तीन मुले आणि नणंद आहेत. त्यांनी केलेल्या सेवेबद्दल अनेक सामाजिक संस्थांनी त्यांना पुरस्कार देऊन गौरव केला होता. दरम्यान, त्यांच्या मृत्यूची माहिती कर्मचाऱ्यांना कळताच कर्मचाऱ्यांनी हळहळ व्यक्त केली.
महत्त्वाच्या बातम्या
- शिवभोजन थाळीने पार केला ४ कोटींचा टप्पा
- आरसीबीच्या प्रमुख शिलेदारांना बाद करत हरप्रित ब्रारने रचला ‘हा’ विक्रम
- ‘कोरोनाच्या संकटात सरकार मदत करू शकत नाही,मला आमदार असण्याची लाज वाटतेय’
- लता मंगेशकर यांचे एक पाऊल पुढे ; मुख्यमंत्री सहायता निधीला केली 7 लाखांची मदत
- पंतप्रधान नरेंद्र मोदींनी दिली अचानक शीसगंज साहेब गुरुद्वाराला भेट
