मुंबई : राज्यासह देशभरात गेल्यावर्षी पासून कोरोनाने हाहाकार माजवला अशा परिस्थितीत देशातील अनेक भागांमध्ये स्थिती गंभीर झाली होती. रुग्णालयांमध्ये बेड्स, ऑक्सिजन, रेमडेसिवीर व इतर औषधे यांचा मोठा तुटवडा निर्माण झाला. असे असताना सोनू सूद मदतीसाठी पुढे आला. त्याने केलेले हे काम पाहून लोककांनी त्याचे भर भ्रूण कौतुक केले. आज सोनू सूदचा ४८ वा वाढदिवस आहे. त्याच्या वाढदिवसानिमित्त सोशल मीडियावर त्याच्या चाहत्यांचा शुभेच्छाचा वर्षाव होत आहे.
एका मुलाखतीत अभिनेता सोनू सूदने आपल्या वाढदिवसानिमित्त आपली इच्छा व्यक्त केली आहे. यावेळी तो म्हणाला, ‘विद्यार्थ्यांना स्कॉलरशीप आणि हॉस्पिटलमध्ये रूग्णांना बेड्स उपलब्ध करून देण्याची माझी इच्छा आहे. माझ्या देशातील जनतेने माझ्यावर जे प्रेम केलं आहे, त्यासाठी त्यांचे मनापासून आभार. लोकांच्या मदतीसाठी मी जी मोहिम सुरू केली, ती कोणत्या गाव किंवा राज्यांपुरती मर्यादित नव्हती, तर संपूर्ण देशासाठी आहे. ही मोहिम मला अखंडपणे सुरू करायची आहे,’ अशी एक सामाजिक इच्छा त्याने व्यक्त केली आहे.
पुढे तो म्हणाला, ‘माझ्या वाढदिवसा दिवशी काहीजण थेट सायकल आणि बाईकवरून मला भेटायला येत आहेत. लोकांपर्यंत पोहोचण्यासाठी आणि त्यांची मदत करण्यासाठी पायाभूत सुविधा निर्माण करणं गरजेचं आहे, जेणेकरून त्यांच्यापर्यंत मदत वेळेत पोहोचेल.’ असे त्याचे म्हणणे आहे. सोनूचे सध्या देशभरात लाखो चाहते आहेत. अनेकांनी त्याला वाढदिवसाच्या शुभेच्छा दिल्या आहेत.
दरम्यान, कोरोना काळात अनेक गरजूंना मदत पोहोचवण्याचे काम सोनू निःस्वार्थी भावनेने करत आहे. त्याच्यासारख्या व्यक्तीने राजकारणात यावे अशी इच्छा अनेक सेलेब्रीटींनी तसेच सामान्य माणसांनी जाहीरपणे व्यक्त केली होती. परंतु यावर त्याने आपला असा कोणताही ही विचार नसल्याचे सांगत या चर्चांना पूर्णविराम दिला होता.
महत्त्वाच्या बातम्या
- लोकांचा रोष कमी करण्यासाठी मुख्यमंत्री विरोधी पक्ष नेत्यांना भेटले- प्रविण दरेकर यांचा आरोप
- फडणवीसांच्या भेटीवर मुख्यमंत्री ठाकरे म्हणाले, ‘ही भेट बंद दाराआड नाही; पुरामुळे दरवाजेच शिल्लक नव्हते’
- Corona Vaccination: अंथरुणास खिळलेल्या व्यक्तींना मिळणार आता घरीच लस
- संसदेच्या दोन्ही सभागृहात गदारोळ सुरूच, लोकसभेचं कामकाज दिवसभरासाठी स्थगित
- ‘मी फक्त पॅकजची घोषणा करणारा नाही तर मदत करणारा मुख्यमंत्री’
