बीड: जिल्ह्यात कोरोनामुळे भीषण परिस्थिती निर्माण झाली आहे. रुग्णांची संख्या वाढतच असून त्यामुळे आता रुग्णालयांमध्ये जागा मिळत नाहीये. नवीन रुग्ण भारती करायचं म्हणलं तर खाटा उपलब्ध नाहीयेत तसेच अनेक वैद्यकीय सुविधा अपुऱ्या पडत असल्याने रुग्णांचे हाल होत आहेत. अशात तेलगाव येथील ट्रॉमा केअर सेंटर तातडीने सुरु करण्याचे आदेश जिल्हाधिकारी रवींद्र जगताप यांनी दिले आहेत. नवीन रुग्णांसाठी तिथे सोय करता येईल त्या उद्देशाने तेलगाव येथील ट्रॉमा केअर सेंटर तातडीने सुरु करण्याचे आदेश देण्यात आले आहेत.
जिल्ह्यात दररोज कोरोना रुग्णांची संख्या अधिक वाढत आहे. त्यामुळे रुग्णांना सुविधा देण्यासाठी तातडीने तेलगाव (ता. वडवणी) येथील ट्रॉमा केअर सेंटरची दुरुस्ती करण्याचे आदेश जिल्हाधिकारी रवींद्र जगताप यांनी संबंधित विभागाला दिले आहेत. तसेच जर हे तातडीने सुरू नाही झाले तर फौजदारी गुन्हा दाखल करण्याचे आदेशही जिल्हाधिकाऱ्यांनी दिले आहेत.
तेलगाव येथील ट्रॉमा केअर सेंटर सध्या नादुरुस्त आहे. जेणेकरून कोविड-१९ च्या रुग्णांना त्याठिकाणी उपचाराकरिता सुविधा उपलब्ध करून देता येईल. याकरिता पुढील २४ तासांत या ट्रॉमा केअर सेंटरमध्ये आवश्यक त्या सर्व सुविधा उपलब्ध करून तसा अहवाल तत्काळ सादर करावे, असे महावितरणचे उपकार्यकारी अभियंता डी. एस. थूल, व इतर अधिकाऱ्यांना जिल्हाधिकारी जगताप यांनी आदेश दिले आहेत. या प्रकरणी विलंब होणार नाही याची दक्षता घ्यावी, अन्यथा आपणास जबाबदार धरून आपणाविरुद्ध भादंवि १८६० कलम १८८ व आपत्ती व्यवस्थापन अधिनियम २००५ व साथरोग नियम कायदा १८९७ च्या तरतुदीप्रमाणे फौजदारी कार्यवाही करण्यात येईल, असे आदेशात स्पष्ट केले आहे.
महत्वाच्या बातम्या
- पेठ बीड येथे जुगार अड्ड्यावर छापा; तिघे अटकेत, सात जण फरार
- ‘अडचणीच्या काळात भारताला मदत करताना अमेरिकेला समाधान वाटतंय’
- कोरोनासाठी आ. सतिश चव्हाण घाटीला देणार ‘इतका’ निधी!
- बीडमध्ये १४७० नवे बाधित; गुरुवारच्या आकड्यांनी चिंतेत भर
- उस्मानाबादेत चाैदा दुकानांना सील, व्यापाऱ्यांमध्ये खळबळ
बातम्यांसाठी YouTube चॅनेल Subscribe करा
Subscribe Now
