कोल्हापूर : येथील सावंतवाडी आगार चालक कम वाहक पदावर कार्यरत असलेल्या एका एसटी कर्मचाऱ्याचा ह्रदयविकाराच्या झटक्याने मृत्यू झाल्याची घटना घडीली आहे. गेल्या दोन दिवसांपासून एसटी कर्मचाऱ्यांवर निलंबनाची कारवाई सुरु आहे. या भीतीनेच ह्रदयविकाराच्या झटका आला असा आरोप या कर्मचाऱ्याच्या कुटुंबियांनी केला आहे.
कोल्हापूर जिल्ह्यातील मडीलगे खुर्द गावचे रहिवासी अनिल मारुती कांबळे हे सावंतवाडी आगारात चालक कम वाहक या पदावर कार्यरत होते. ते २०१५ साली एसटी महामंडळात रुजू झाले होते. एसटी कर्मचाऱ्यांचा संप सुरु झाल्यानंतर ते मडीलगे खुर्द या स्वत:च्या मुळ गावी रहायला गेले होते. मात्र एसटी कर्मचाऱ्यांवर निलंबनाची कारवाई सुरु असल्याने त्यांनी याची धास्ती घेतली होती, त्यातच त्यांना ह्रदयविकाराचा झटक्याने मृत्यू झाला असा आरोप कुटुंबियांनी केला आहे.
एसटी कर्मचाऱ्यांच्या संपावर कोणताही तोडगा निघत नसल्याने आंदोलनकर्त्यांची उद्विग्नता वाढत चालली आहे. मागच्या आठ दिवसांपासून कर्मचारी संघटना आणि शिष्टमंडळाच्या परिवहन मंत्र्यांशी चर्चेच्या फेऱ्या सुरू आहेत. मात्र अद्याप काहीही तोडगा निघालेला नाही. त्यामुळे कर्मचारी आंदोलनावर ठाम आहेत. तर दुसरीकडे एसटी कर्मचाऱ्यांवर निलंबनाची कारवाई सुरु असल्याने कर्मचारी प्रचंड तणावात असल्याचे या घटनेवरुन स्पष्ट होत आहे.
महत्वाच्या बातम्या
- ‘खरंच ‘हिंदू खतरे में है’ तर मोहन भागवतांनी दिल्लीत मोर्चा काढावा, मोदी-शहांना जाब विचारावा’
- फडणवीसांचं ‘ते’ कृत्य म्हणजे देशद्रोह, त्यांच्यावर गुन्हा दाखल करा- नाना पटोले
- मी एसटी कंडक्टरचा मुलगा आहे- प्रविण दरेकर
- राज कुंद्रा-शिल्पाच्या अडचणीत वाढ; व्यावसायिकाने केला फसवणुकीचा गुन्हा दाखल
- ‘काँग्रेसला बदनाम करण्याची सुपारी आमच्याच मित्रपक्षाने घेतली आहे’
