मुंबई : देशात कोरोना सारख्या संकटामुळे बिकट परिस्थिती निर्माण झाली आहे. एकीकडे कोरोना रुग्ण संख्या वाढत असताना रक्ताचा तुटवडा देखील जाणवत आहे. यासाठी अनेक स्तरावर रक्तदान शिबिरासारखे कार्यक्रम राबविण्यात येत आहे.
अशातच बॉलिवूडमधील प्रसिद्ध गायक सोनू निगमने सुद्धा रक्तदान करत सामाजिक बांधिलकी जपण्याचा प्रयत्न केला. मात्र असे असताना सोनू निगमने तोंडावर मास्कचा वापर न केल्यामुळे तो सोशल मीडियावर बराच ट्रोल झाला होता.
सोनू निगमने रक्तदान केल्याचे काही फोटो आपल्या इंस्टाग्राम अकाऊंटवर शेअर केले होते. या फोटोमध्ये तो रक्तदान करताना मास्क लावलेला दिसत नव्हता. मात्र दुसऱ्या फोटोमध्ये त्याने मास्क लावला असल्याचे दिसून आले. काही काळ का होईना त्याने मास्क न लावल्याने सोनूला अनेकांनी सोशल मीडियावर सुनावले होते. पण या ट्रोलिंगमुळे सोनू प्रचंड संतापला. आणि ट्रोलर्सला त्याने जबरदस्त प्रतिउत्तर दिले आहे.
ट्रोलर्सला टार्गेट कार्ट त्याने ट्विट केले. ‘इथे (सोशल मीडियावर) आइंस्टाइन बनून फिरणा-यांनो, मला तुमच्याच भाषेत उत्तर देऊ द्या. कारण तुम्ही त्याच लायकीचे आहात. साले गधों, उल्लू के पट्ठों… रक्तदान करताना मास्क लावण्यावी परवानगी नसते. आणखी किती खालच्या दर्जाला जाणार आहात साले लेफ्टिस्ट?’, असे सोनूने ट्विट मध्ये लिहिले आहे. सोनूने अक्षरशः ट्रोलर्सला शिवीगाळ केली आहे. सोनूचे हे ट्विट सध्या सोशल मीडियावर जोरदार व्हायरल होत आहे.
महत्वाच्या बातम्या
- लता मंगेशकर यांनी जम्बाे कोविड रुग्णालयाच्या कामाचे पत्र लिहीत केले कौतुक
- जालन्यात वादळी वाऱ्यासह पावसाची हजेरी; पिकांचे मोठ्या प्रमाणात नुकसान
- ‘माझ्याकडे नवरा आहे…’; ट्विंकलने युजरला दिले गमतीशीर उत्तर
- रुग्णसेवेत कसलीही तडजोड नको; आरोग्य सेवा दर्जेदार असावी, राजेश टोपेंचे वक्तव्य
- काँग्रेस खासदार राजीव सातव यांनी केली कोरोनावर मात, लवकरच डिस्चार्ज मिळणार
बातम्यांसाठी YouTube चॅनेल Subscribe करा
Subscribe Now
