मुंबई : दिवाळीला आपल्याकडे अनन्यसाधारण महत्व आहे. त्यात जर दिवाळी लग्नानंतर पहिल्यांदा आली असेल तर आनंदात चारचाँद लागणार हे नक्की. लग्नानंतर येणारी पहिली दिवाळी म्हणजे एक वेगळीच गंमत आणि मजा असते. त्यामुळे नवीन जोडपे या सणाची तयारी देखील खास पद्धतीने करतात. याला अभिनेत्री देखील अपवाद नाही. नुकतेच अभिनेत्री सोनाली कुलकर्णीने एक व्हिडिओ शेअर केला असून या व्हिडिओमध्ये ती हाताला मेहेंदी काढताना दिसत आहे. व्हिडिओ पोस्ट करताना तिने लिहिले, ‘पहिल्या दिवाळीची तयारी.’
सोनालीने याचवर्षी दुबईस्थित कुणाल बेनोडकरशी लग्न केले. त्यामुळे ही दिवाळी सोनालीची लग्नानंतरची पहिलीच दिवाळी आहे. त्यासाठी तिने खास प्लॅनिंग देखील केले आहे. दिवाळीसाठी सोनाली भारतात आली असून, तिने तिच्या हातावर मेहेंदी काढली आहे. सोनालीची ही दिवाळी आणि पाडवा जोरदार साजरा होणार यात शंका नाही. सोनालीच्या या व्हिडिओवर अनेक कलाकार आणि तिचे फॅन्स कमेंट्स करून तिला दिवाळीच्या शुभेच्छा देताना दिसत आहे.
https://www.instagram.com/reel/CV0FFInFSvM/?utm_medium=copy_link
सोनालीने मराठी आणि हिंदीमध्ये अनेक चित्रपटांमध्ये काम केले असून, तिला खरी ओळख रवी जाधव यांच्या ‘नटरंग’ सिनेमातून मिळाली. या सिनेमाने तिला तिच्या ओळखीसह ‘अप्सरा’ हे नवीन नाव देखील दिले. अगदी या नावाला साजेसे सौंदर्य असणारी सोनाली नृत्यातही पारंगत आहे. नुकतच तिच्या इंस्टाग्राम अकाऊंटवरून शेअर केलेल्या या व्हिडिओवर भरपूर लाईक, कमेंट येत आहेत.
महत्वाच्या बातम्या
- केंद्राने पेट्रोल-डिझेल शुल्क कपात केले, आता राज्य सरकारनेही जबाबदारी पार पाडावी – चित्रा वाघ
- भाजपचा पूर्ण पराभव झाल्यास पेट्रोल ५० रुपयांनी स्वस्त होणार; राऊतांचा दावा
- ‘एनडीआरएफची मदत प्रातिनिधीक, पण तुमची मदत तुम्ही केली पाहिजे’, चंद्रकांत पाटलांचा सल्ला
- ‘केंद्राने पाऊल उचलले चला राज्य सरकारला सांगा २५ रूपये कमी करायला’ भाजपचे राऊतांना आवाहन
- ‘एनडीआरएफची मदत प्रातिनिधीक, पण तुमची मदत तुम्ही केली पाहिजे’, चंद्रकांत पाटलांचा सल्ला
