मुंबई : संविधान दिनानिमित्त राष्ट्रवादी काँग्रेसच्या सामाजिक न्याय विभागाने आयोजीत केलेल्या कार्यक्रमात राष्ट्रवादी काँग्रेसच्या खासदार सुप्रिया सुळे (Supriya Sule) यांनी भाजपा सरकारवर कडाडून टीका केली होती. मोदी सरकार संविधान बदलू पाहतंय, अशी टीका खासदार सुप्रिया सुळेंनी केली होती. त्यावर भाजपा नेते निलेश राणे (Nilesh Rane) यांनी प्रत्युत्तर दिले आहे.
याबाबत निलेश राणे ट्विट करत म्हणाले, खासदार सुप्रिया सुळे विसरल्या संविधान बदलत असतं ज्याला अमेंडमेंट म्हणतात. आपण कायदे बनवायला आणि बदलायला खासदार झाल्या आहात. आपण इतके वर्ष जे बदल सुचवले त्याने संविधान बदललं असं म्हणायचं का? हिंदूंच्या हिताचे निर्णय घेतले तर काहींना त्रास होणारच, पण बोलायचं म्हणून काही बोलू नका. असे प्रत्युत्तर निलेश राणेंनी सुप्रिया सुळेंना दिले आहे.
खासदार सुळे विसरल्या संविधान बदलत अस्त ज्याला अमेंडमेंट म्हणतात. आपण कायदे बनवायला आणि बदलायला खासदार झाले आहात, आपण इतके वर्ष जे बदल सुचवले त्याने संविधान बदललं असं म्हणायचं का? हिंदूंच्या हिताचे निर्णय घेतले तर काहींना त्रास होणारच पण बोलायचं म्हणून काही बोलू नका. https://t.co/wVeFMsyXqn
— Nilesh N Rane (@meNeeleshNRane) November 27, 2021
यावेळी सुप्रिया सुळे म्हणाल्या होत्या, मोदी सरकार संविधान बदलू पाहत असून भाजपाला जोरदार विरोध करा. तरच देश वाचेल. संविधान जात, धर्म किंवा प्रांत नाही. तो एक ग्रंथरुपातला कष्टपूर्वक घडवलेला मार्गदर्शक आहे. संविधान वाचलं तरच देश वाचेल, असे सुप्रिया सुळे म्हणाल्या होत्या.
महत्वाच्या बातम्या
- मलिकांच्या घराभोवती संशयास्पद लोकांचा वावर? फोटो ट्वीट करत म्हणाले,’या गाडीत बसलेले…’
- प्रभू वैद्यनाथ मंदिराची एक विट सुद्धा इकडची तिकडे होणार नाही- धनंजय मुंडे
- अशा प्रसंगी परमेश्वर व सरकार तरी काय करणार?- संजय राऊत
- ‘…याला उशिरा सुचलेले शहाणपण म्हणतात’, भाजपवर राऊतांची टोलेबाजी
- महाराष्ट्राची सत्ता हातात घेण्यासाठी राज्य पेटवायचा डाव- यशोमती ठाकूर
