मुंबई : काँग्रेस नेते आणि खासदार राहुल गांधी यांच्या ट्विटर अकाऊंटवर ट्विटरकडून कारवाई करण्यात आल्याची घटना ताजी असतानाच आता आणखी काही नेत्यांसोब काँग्रेस पक्षाचे मुख्य ट्विटर अकाऊंटवर देखील ट्विटरने कारवाई केली आहे. या कारवाईनंतर काँग्रेससह विरोधकांनी केंद्र सरकारवर हल्लाबोल केला आहे.
आता राष्ट्रवादी काँग्रेसचे प्रदेशाध्यक्ष आणि राज्याचे जलसंपदा मंत्री जयंत पाटील यांनी ट्विटरवरच एक चारोळी लिहीत उल्लेख न करता मोदी सरकारला लक्ष्य केलं आहे. ‘त्यांची भीती- तमाम पैसा, दारूगोळा पोलीस-फौज असताना देखील कोणत्या गोष्टीला ते एवढं घाबरतायत ? एका दिवस विना हत्यार आणि गरीब लोक त्यांना घाबरणे बंद होतील याच गोष्टीला ते घाबरतायत,’ असं म्हणत जयंत पाटील यांनी हॅशटॅग ट्विटर असा देखील उल्लेख केला आहे.
उनका डर
किस चीज़ से डरते हैं वे
तमाम धन-दौलत
गोला-बारूद पुलिस-फ़ौज के बावजूद ?
वे डरते हैं
कि एक दिन
निहत्थे और ग़रीब लोग
उनसे डरना
बंद कर देंगे ।#Twitter— Jayant Patil- जयंत पाटील (@Jayant_R_Patil) August 12, 2021
ट्विटरचे काय स्पष्टीकरण ?
दिल्लीतील नांगल येथील एका मुलीवर बलात्कार झाला होता. या पीडित कुटुंबियांची कॉंग्रेस नेते राहुल गांधी यांनी भेट घेऊन त्यानंतर त्यांनी पीडितेच्या आई-वडिलांसोबतचा फोटो ट्वीट केला होता. तसेच पीडित कुटुंबियांना न्याय देण्याची मागणी केली होती. या कुटुंबाला जोपर्यंत न्याय मिळत नाही तोपर्यंत पीडितेच्या कुटुंबियांसोबत असल्याचे राहुल गांधी यांनी म्हटलं होत.
ट्विटरने दिल्ली उच्च न्यायालयाला सांगितले होते की, राहुल गांधी यांनी दि. ४ ऑगस्ट रोजी केलेल्या ट्विटमुळे कंपनीच्या धोरणांचे उल्लंघन झाले आहे. त्यांनी बलात्कार पीडितेच्या पालकांसह छायाचित्र ट्विट केले होते. यामुळे त्यांचे खाते तात्पुरते बंद करण्यात आले आहे.
महत्त्वाच्या बातम्या
- शरद पवारांच्या नावाने चाकणमध्ये पैशांची मागणी; मंत्रालयानंतर आणखी एक प्रकरण आले समोर
- ‘मेळघाटातील ४९ नवजात शिशुंच्या मृत्युला यशोमती ठाकूर जबाबदार’, खा.नवनीत राणा स्मृती इराणींच्या भेटीला
- ‘अभाविप’ ७४ व्या स्वातंत्र्यदिनानिमित्त अनोखे उपक्रम राबविणार
- ‘हॅलो, मी शरद पवार बोलतोय!’; बदलीसाठी थेट मंत्रालयात आलेल्या ‘त्या’ फोनमुळे खळबळ
- नगर-बीड-परळी रेल्वेमार्गाबाबत खा. प्रीतम मुंडेंनी घेतली रेल्वेमंत्र्यांची भेट
बातम्यांसाठी YouTube चॅनेल Subscribe करा
Subscribe Now
