मुंबई : ‘द काश्मीर फाइल्स’ या चित्रपटाचा वाद अद्याप विझलेला नाही. नेत्यांच्या सततच्या भाषणबाजीमुळे हा चित्रपट चर्चेत आहे. काही दिवसांपूर्वी राष्ट्रवादी काँग्रेसचे अध्यक्ष शरद पवार यांनी ‘द काश्मीर फाइल्स’वर म्हटले होते की, काश्मिरी पंडितांच्या पलायनाबद्दल देशभरात खोटे पसरवले जात आहे. खोटे बोलून देशातील वातावरण विषारी करण्याचे प्रयत्न सुरू आहेत.
‘द काश्मीर फाईल्स’ या चित्रपटावर शरद पवार काय म्हणाले?
दिल्लीतील एका कार्यक्रमात शरद पवार म्हणाले की, या प्रकारच्या चित्रपटाला प्रदर्शनासाठी परवानगी द्यायला नको होती. याउलट या चित्रपटाला करात सूट दिली जात आहे.
शरद पवारांच्या या वक्तव्यावर आता चित्रपट निर्माते अशोक पंडित यांनी प्रतिक्रिया दिली आहे. अशोक पंडित यांनी ट्विटरवर लिहिले आहे की, आदरणीय शरद पवार जी! मी एक काश्मिरी हिंदू आहे आणि तुम्हाला माझ्या मातृभूमीची (काश्मीर) शपथ द्यायची आहे की काश्मीर फाइल्समध्ये जे काही दाखवले आहे ते १००% खरे आहे! आमची हत्या झाली! तुम्ही आमच्यासाठी काही करू शकत नसाल तर करू नका पण आमच्या जखमेवर मीठ तरी चोळू नका.
महत्वाच्या बातम्या :
