टीम महाराष्ट्र देशा : २०१९ च्या लोकसभा निवडणुकीत भाजपने दणदणीत विजय मिळवला आहे. या निवडणुकीत भाजप आणि मित्रपक्षांना ३५० पेक्षा जास्त जागा मिळाल्या आहेत. या निवडणुकीत अनेक ठिकाणी धक्कादायक निकाल समोर आले आहेत. त्यात भाजपचे प्रवक्ते संबित पात्रा यांच्या निकालाचा समावेश आहे.
आपल्या आक्रमक शैलीत प्रसारमाध्यमांसमोर भाजपची बाजू मांडणारे भाजप प्रवक्ते संबित पात्रा यांना पराभवाला सामोरे जावे लागले आहे. पात्रा हे ओडीसातील पुरी या मतदारसंघातून निवडणूक लढवत होते. पुरी येथून बीजेडीच्या पिनाकी मिश्रा यांनी पात्रा यांचा ११ हजार ७०० मतांनी पराभव केला आहे. त्यामुळे भाजपसाठी हा मोठा धक्का मानला जात आहे. पुरी हा बीजेडीच्या पिनाकी मिश्रा यांचा पारंपारिक मतदारसंघ आहे. मिश्रा यांनी पुरी येथून २००९ आणि २०१४ मध्ये एकतर्फी विजय मिळवला होता.
दरम्यान, कॉंग्रेसचे अध्यक्ष राहुल गांधी यांनाही कॉंग्रेसचा पारंपारिक मतदारसंघ अमेठीतून पराभवाचा सामना करावा लागला आहे.
बातम्यांसाठी YouTube चॅनेल Subscribe करा
Subscribe Now
