धक्कादायक! जमिनीच्या लालसेपोटी पत्नीला संपवलं

बीड : संपूर्ण जिल्ह्याला हलवून सोडणाऱ्या प्रकरणाचा छडा लावण्यात पोलिसांना यश आले आहे. तालुक्यातील जानेगाव येथे एका महिलेची धारदार शस्त्राने हत्या केल्याची खळबळजनक घटना २५ रोजी रात्री घडली होती. अखेर पतीच मारेकरी असल्याचे तपासात निष्पन्न झाले. स्थानिक गुन्हे शाखा व युसूफवडगाव पोलिसांनी केलेल्या संयुक्त तपासानंतर मारेकरी पतीला अटक करण्यात आली आहे.

आजीच्या नावे असलेली पावणेचार एकर जमीन नावची करुन घेत नाही म्हणून पत्नीला संपविल्याची कबुली त्याने दिली. जानेगाव येथे २५ मार्च रोजी रात्री पावणे नऊ वाजेच्या सुमारास घरापासून काही मीटर अंतरावर आशाबाई उर्फ अश्विनी अनुरथ चटप या महिलेचा मृतदेह आढळला होता. तिच्या डोक्यावर घाव होता. यावरुन धारदार शस्त्राने हल्ला करुन तिला संपविल्याचा अंदाज होता. अंबाजोगाई येथील स्वाराती रुग्णालयात उत्तरीय तपासणी करण्यात आली. यात डोक्याला दुखापत झाल्याने रक्तस्त्राव होऊन तिचा मृत्यू झाल्याचे उघड झाले.

तिचे वडील बन्सी जाधव यांच्या फिर्यादीवरुन युसूफवडगाव ठाण्यात अज्ञात मारेकऱ्यावर खुनाचा गुन्हा नोंद झाला होता. घटनास्थळी तपासणी करुन तपास सुरु केला होता. दरम्यान, घटनेच्या दिवशी उस्मानाबाद येथील श्वानपथकाने मयत आशाबाईच्या घराजवळच माग काढला होता तसेच एक श्वान पती अनुरथ चटप याच्या जवळ घुटमळत होता.

महत्त्वाच्या बातम्या

• ममता बॅनर्जींच्या ‘त्या’ वक्तव्यावर ओवेसी भडकले
• आफ्रिकेच्या खेळाडूंचा पाकिस्तान दौरा अर्धवट सोडून भारतात येण्याचा निर्णय
• ‘आरएसएसचे लोक देशभक्त आहेत आणि इतर सर्व देशद्रोही आहेत’
• ‘खटल्याच्या निकालामुळे मी व्यक्तिश: निराश, मात्र मला निवांत झोप लागेल’
• बंडखोरांनी अवताडे-भालकेंची डोकेदुखी वाढवली, पंढरपूर पोटनिवडणुकीतील चुरस वाढली