धक्कादायक! नांदेडमध्ये मराठा आरक्षणासाठी अंगावर पेट्रोल ओतून आत्मदहनाचा प्रयत्न

🕒 1 min read

नांदेड : नांदेड येथे मराठा आरक्षणाच्या मागणीसाठी छावा संघटनेच्या कार्यकर्त्यानी आत्मदहनाचा प्रयत्न केला. छावाचे जिल्हाध्यक्ष दशरथ कपाटे यांनी कार्यकर्त्यांसह जिल्हाधिकारी कार्यालयासमोर अंगावर पेट्रोल टाकून घेतले. मात्र, पोलिसांना या आंदोलनाची पूर्वकल्पना असल्याने मोठा बंदोबस्त ठेवण्यात आला होता. त्यामुळे कार्यकर्त्यांनी आत्मदहनाचा प्रयत्न करताच पोलिसांनी आंदोलकांजवळील पेट्रोलचा कॅन जप्त केला. तसेच कार्यकर्त्यांना ताब्यात घेतलं.

मराठा आरक्षणाच्या मागणीसाठी शुक्रवारी नांदेडमध्ये छत्रपती संभाजीराजे भोसले यांच्या नेतृत्वाखाली राज्यस्तरीय मूक निदर्शने करण्यात येणार आहेत. त्याच्या एक दिवस अगोदर छावाने हे आंदोलन केले. आजपर्यंत मराठा समाजाने आरक्षणासाठी ५८ मूक मोर्चे काढले. परंतु, त्याचा काहीच उपयोग झाला नाही. त्यामुळे छावाने ठोक मोर्चा सुरू केला आहे, त्या पार्श्वभूमीवर छावाने आंदोलन केले असल्याचे दशरथ कपाटे यांनी सांगितले.

आंदोलनाच्या वेळी छावाच्या कार्यकर्त्यांनी ‘एकच मिशन, मराठा आरक्षण’ अशा घोषणा देत मराठा आरक्षणाबाबत मागणी केली. यावेळी पोलिसांनी छावाच्या कार्यकर्त्याना अटक करून वजीराबाद पोलीस ठाण्यात नेलं. दरम्यान, जिल्हाधिकारी कार्यालयासमोर काही कार्यकर्त्यांनी अंगावर पेट्रोल टाकून घेतले होते. यावेळी प्रचंड घोषणा ही देण्यात आल्या. पोलिसांनी बळाचा वापर करत कार्यकर्त्याना आवरले. आत्मदहनाचा प्रयत्न करणाऱ्या छावाचे कार्यकर्त्यांना पोलिसांनी अटक केली आहे.

महत्त्वाच्या बातम्या

• ममतांना हायकोर्टाचा धक्का! बंगाल हिंसाचाराचा तपास सीबीआय करणार
• पिंपरी चिंचवड : भाजपचे स्थायी समिती अध्यक्ष ACB च्या जाळ्यात
• ‘आम्ही कोणालाही शिंगावर घ्यायला तयार, मग ते राज ठाकरे असो वा कोणीही’
• धक्कादायक : भारतात कोविशील्डच्या बनावट लसी; जागतिक आरोग्य संघटनेने दिला इशारा
• भाजपला ‘जन आशीर्वाद’ महागात पडला; कल्याण डोंबिवलीत 4 गुन्हे दाखल