Shivsena । मुंबई : काल आणि परवा दोन दिवस शिवसेना प्रमुख उद्धव ठाकरे यांच्या मुलाखतीचे दोन्ही भाग प्रदर्शित झाले. शिवसेना खासदार आणि सामानाचे कार्यकारी संपादक संजय राऊत यांनी हि मुलाखत घेतली होती. यावेळी उद्धव ठाकरे यांनी शिंदे गटावर जोरदार निशाणा साधलाय. यानंतर संजय राऊत हे वेळोवेळी सामनाच्या अग्रलेखातून विरोधकांवर निशाणा साधत असतात. त्यानंतर आज देखील राऊतांनी शिंदे सरकारवर टीका केली आहे.
तसेच उद्धव ठाकरे यांनी महाराष्ट्रातील राजकीय वादळानंतर एक मुलाखत काय दिली, राज्यात जणू भूकंपाचे हादरेच बसले. ठाकरे यांच्या मुलाखतीवर क्रिया-प्रतिक्रिया सुरू झाल्या. समस्त शिवसेना विरोधक एकजुटीची वज्रमूठ आवळून बेताल वक्तव्ये करताना दिसत आहेत. एका मुलाखतीत इतकी ताकद असते हे यानिमित्ताने महाराष्ट्राला कळले, असंही सामानातून म्हंटल आहे.
पुढे दिल्लीपासून महाराष्ट्रापर्यंत खास पत्रकार परिषद घेऊन ‘ठाकरे-राऊत’ मुलाखतीवर खुलासे व हल्ले केले जात आहेत. महाराष्ट्राच्या राजकारणातील ‘ठाकरे’ नामाचे महत्त्व अधोरेखित करणारे हे दृश्य आहे. ठाकरे यांनी मुलाखतीत त्यांची भूमिका व बाजू मांडली. घरातल्याच लोकांनी आपल्याबाबतीत कशी दगाबाजी केली याबद्दल मन मोकळे केले. इस्पितळातील अतिदक्षता विभागात झुंज सुरू असताना बाहेर सरकार उलथवून टाकण्यासाठी कसे ‘अघोरी’ प्रकार सुरू होते, त्यावर ठाकरे बोलले व तेच खरे फडणवीसांच्या संतापाचे कारण आहे.
ठाकरे-राऊत’ मॅच फिक्सिंग होती तर मग ठाकरे इस्पितळात असताना बाहेर सरकार पाडण्याच्या निर्घृण हालचाली सुरू होत्या, त्या फिक्सिंगला कोणते नाव द्यायचे? हे सर्व पाहिले की वाटते, प्रेताच्या टाळूवरचे लोणी खाणारे सरकार महाराष्ट्रात अवतरले आहे व महाराष्ट्राची अवस्था हे भकास करणार आहेत. असा गंभीर आरोप सामना अग्रलेखातून करण्यात आला आहे.
महत्वाच्या बातम्या :
- Samana : उद्धव ठाकरे यांनी एक मुलाखत काय दिली, अन् राज्यात जणू भूकंपाचे हादरेच बसले
- Sandipan Bhumre : ‘हो एकनाथ शिंदेंना पक्षप्रमुख व्हायचेय’,पण…; संदिपान भूमरे स्पष्टचं बोलले
- Vinayak Raut : “शिंदे-फडणवीस यांच्या शुभेच्छांना आम्ही किंमत देत नाही”; विनायक राऊत आक्रमक
- Sushma Andhare : सुषमा अंधारे उद्या शिवबंधन बांधणार, शिवसेनेला मिळणार आंबेडकरी चळवळीचा चेहरा
- Sambhu Raje Desai : मंत्रिमंडळ विस्ताराबाबत शंभूराजे देसाईंची मोठी प्रतिक्रिया, म्हणाले…
