शिवसेनेच्या ‘या’ नेत्यांनी सर्व नियम तोडून कुटुंबासह घेतली कोरोनाची लस

🕒 1 min read

मुंबई : राज्यात जवळपास सर्वच जिल्ह्यांमध्ये कोरोनाग्रस्तांची संख्या वाढत आहे. मात्र पुणे, अमरावती, यवतमाळ, औरंगाबाद, ठाणे या शहरांमध्ये कोरोनाचा संसर्ग झपाट्याने वाढतोय. मुंबईमध्ये सध्या ६९०० सक्रिय कोरोना रुग्ण आहेत. तर ठाण्यात सक्रिय रुग्णांची संख्या ६५५२ वर पोहोचली आहे.

ही सर्व चिंताजनक परिस्थिती असतानाच दुसरीकडे कोरोनाचे लसीकरण चालू आहे. परंतु या लसीकरणासाठी सरकारने काही नियम घालून दिलेले आहेत. या लसीकरणासाठी शासनाने प्राधान्यक्रम ठरवला आहे. पण हे सर्व नियम तोडून शिवसेनेचे ठाण्याचे महापौर आणि आमदार रवी फाटक व त्यांच्या कुटुंबीयांनी कोरोनाची लस घेतली असल्याचा प्रकार समोर येत आहे.

या संदर्भात भाजपचे नेते अतुल भातकळकर यांनी ट्वीटरच्या माध्यमातून एक व्हिडीओ प्रसिद्ध केलेला आहे. त्या व्हिडीओमधून त्यांनी शिवसेनेचे ठाण्याचे महापौर आणि आमदार रवी फाटक यांच्यासह मुख्यमंत्री उद्धव ठाकरे यांच्यावर देखील सडकून टीका केलेली आहे.

गोरगरीब, ज्येष्ठ नागरिक अशा अनेक गरजूना मागे सारून, नियम धाब्यावर बसवून शिवसेनेचे ठाण्याचे महापौर आणि आमदार रवी फाटक ब त्यांच्या कुटुंबीयांनी कोरोनाची लस घेतली. रांगेतली ही घुसखोरी शिवसेनेची आपमतलबी राजकीय संस्कृती दाखवणारी घटना आहे. pic.twitter.com/TYmq4r0uff

— Atul Bhatkhalkar (@BhatkhalkarA) February 25, 2021

‘गोरगरीब, ज्येष्ठ नागरिक अशा अनेक गरजूंना मागे सारून, शासनाचे सर्व नियम धाब्यावर बसवून शिवसेनेचे ठाण्याचे महापौर आणि आमदार रवी फाटक व त्यांच्या कुटुंबीयांनी कोरोनाची लस घेतली. रांगेतली ही घुसखोरी शिवसेनेची आपमतलबी राजकीय संस्कृती दाखवणारी घटना आहे.’ अशा आशयाचे ट्वीट करून भातकळकर यांनी त्यांचा संताप व्यक्त केलेला आहे.

महत्त्वाच्या बातम्या

• आगामी मर्सिडीज-बेंझ ची कार असेल मेड इन इंडिया 4 सेकंदात 100 किमी वेग पकडणार
• मंगलाष्टके नव्हे तर ‘वंदे मातरम्’च्या सुरात जुळल्या अनाथांच्या रेशीमगाठी
• ‘आ.संदिप क्षीरसागरांनी काकांच्या कामाचे श्रेय लाटले’
• जिल्हा मध्यवर्ती बँकासह सहकारी संस्थाच्या निवडणुका पुन्हा लांबणीवर
• बीडमध्ये दहावी, बारावी वगळता सर्व शाळा बंद