मुंबई : मुंबई महापालिकेत शिवसेनेने १०० कोटींचा ट्रेंचिंग घोटाळा केला आहे. सदरील निवीदा तत्काळ रद्द करुन याची चौकशी करण्याची मागणी भाजप आमदार मिहीर कोटेचा (Mihir Kotecha) यांनी केली आहे. कोटेचा यांनी पत्रकार परिषद घेऊन ही माहिती दिली.
आमदार कोटेचा म्हणाले, महापालिकेतील पक्षनेते विनोद मिश्रा (Vinod Mishra) यांनी महापालिका आयुक्तांना २८ ऑक्टोबर रोजी पत्र पाठवून ट्रेंचिंग निविदेत सत्ताधारी शिवसेनेच्या मदतीने काही कंत्राटदार संगनमताने घोटाळे करतील तसेच या निविदांच्या अटी व शर्ती बदलल्या जातील असे कळविले होते.
१७ नोव्हेंबर रोजीही मिश्रा यांनी आयुक्तांना पुन्हा पत्र पाठवून निविदा प्रक्रियेतील संभाव्य घोटाळ्यांची पूर्वसूचना दिली होती. कंत्राटदारांकडून आपसात संगनमत करून कोणत्या दरांमध्ये निविदा भरली जाईल याचाही उल्लेख या पत्रात करण्यात आला होता. १८ नोव्हेंबर रोजी निविदा सूचना प्रसिद्ध झाल्यानंतर मिश्रा यांनी आयुक्तांना दिलेली माहिती खरी होती हेच सिद्ध झाले आहे, असे कोटेचा यांनी सांगितले आहे.
तीन महिन्यांत निविदेची रक्कम १८९ कोटींनी वाढली
मिश्रा यांनी आयुक्तांना पत्र पाठवूनही महापालिका प्रशासनाने दक्षता घेतली नाही. २६ ऑगस्ट रोजी ट्रेंचिंगच्या कामांची निविदा प्रसिद्ध झाली होती. त्यावेळी पाच कंत्राटदारांनी या निविदेत ३८० कोटींची बोली सादर केली होती. मात्र १८ नोव्हेंबर रोजी ५६९ कोटींची निविदा प्रसिद्ध झाली आहे. अवघ्या ३ महिन्यांत निविदा रकमेत एवढी मोठी वाढ झाली आहे. या घोटाळ्याची पालिका आयुक्तांनी गंभीर दखल घेऊन तातडीने उच्चस्तरीय चौकशी करावी, अशी मागणी त्यांनी केली.
महत्वाच्या बातम्या
- रामदास कदमांचा पत्ता कट; शिवसेनेकडून ‘या’ २ नेत्यांना मिळाली विधान परिषदेची उमेदवारी
- ‘शेतकऱ्यांनी स्वातंत्र्य लढून मिळवलं, भिकेत मिळालं नाही’
- महाविकास आघाडीचे फसवे आकडे, भाजपचाच…; चंद्रकांत पाटलांचा दावा
- …म्हणूनच मला आजची सकाळ शेतकऱ्यांसाठी स्वातंत्र्याची पहाट वाटते- संजय राऊत
- ‘त्या’ सेलिब्रिटींनी आता शेतकऱ्यांचं अभिनंदन करावं- सचिन सावंत
