मुंबई : महाराष्ट्रातील शिंदे-फडणवीस सरकारने महाविकास आघाडीला आणखी एक धक्का दिला आहे. आयपीएस अधिकारी रश्मी शुक्ला फोन टॅपिंग प्रकरण आणि भाजप नेते गिरीश महाजन यांच्याविरुद्ध खंडणी आणि गुन्हेगारी कट रचल्याच्या प्रकरणाचा तपास ठाकरे सरकारने मुंबई पोलिसांना दिला होता. या प्रकरणी उपमुख्यमंत्री देवेंद्र फडणवीस यांच्या सहभागाची चौकशी देखील पोलिसांनी केली होती. त्यांचे जबाब नोंदवले होते. दरम्यान सरकार बदलताच ही प्रकरणे आता सीबीआयकडे सोपवण्यात आली आहेत.
राज्याच्या गुप्तचर विभागाकडून (SID) गंभीर आणि संवेदनशील कॉल रेकॉर्डिंगशी संबंधित माहिती लीक झाल्याचा तपास सीबीआयकडे सोपवण्याचे आदेश महाराष्ट्र सरकारने राज्य पोलिसांना दिले आहेत. दुसरा खटला भाजप नेते गिरीश महाजन आणि अन्य २८ जणांविरुद्ध खंडणी आणि गुन्हेगारी कट रचल्याचा आरोप आहे. या प्रकरणाचा तपासही सीबीआयकडे सोपवण्याचे आदेश देण्यात आले आहेत.
मुंबई पोलिसांनी या संदर्भात मार्च २०२१ मध्ये अधिकृत गुप्त कायद्यांतर्गत अज्ञात व्यक्तींविरुद्ध एफआयआर नोंदवला होता. सरकारच्या कामकाजाशी संबंधित गुप्त माहिती लीक होत असून आयपीएस अधिकारी रश्मी शुक्ला अनेक लोकांचे फोन टॅप करत असल्याचा आरोप करण्यात आला होता. देवेंद्र फडणवीस यांच्या सांगण्यावरून फोन टॅपिंग होत असल्याचा आरोप देखील करण्यात आला होता. दरम्यान देवेंद्र फडणवीस उपमुख्यमंत्री होताच, हे प्रकरण सीबीआयकडे सोपवण्यात आले आहेत.
महत्वाच्या बातम्या :
- NCP on Deepak Kesarkar | दीपक केसरकरांनी इतरांवर टीका करताना स्वतःचे रक्त तपासावे ; राष्ट्रवादीची खोचक टीका
- Nitesh Rane : नारायण राणेंना शिवसेना सोडल्यानंतर जीवे मारण्याच्या धमक्या आल्या होत्या, नितेश राणेंचा मोठा खुलासा
- Abu Azami | देशात नग्न फोटो शेअर केलेले चालतात, मग हिजाबलाच बंदी का?- अबू आझमी
- Chandrakant Khaire | “आनंद दिघेंच्या आशीर्वादाने मोठे झाले, त्यांनाच विसरले” ; चंद्रकांत खैरेंची एकनाथ शिंदेंवर घणाघात
- Sanjay raut | “त्यांची राजकीय तिरडी उठणारच”- संजय राऊत यांची जहरी टीका
