कोरोना रुग्णसंख्या वाढल्यानंतर शरद पवार मैदानात, आज महत्वाची बैठक

मुंबई : राज्यात कोरोनाचा कहर वाढत आहे. राज्यात मुंबई, पुणे हॉटस्पॉट ठरण्याच्या मार्गावर आहेत. त्यामुळे प्रशासनाने, नागरिकांना काळजी करण्याचे आणि नियमांचे पालन करण्याचे आवाहन केले आहे. दरम्यान, राज्यातील रुग्णसंख्या वाढल्यानंतर आता शरद पवार मैदानात आले आहेत. आज बैठकीत आरोग्यमंत्री राजेश टोपे आणि मुख्य आरोग्य सचिव प्रदीप व्यास शरद पवार यांना कोरोना स्थितीची माहिती देणार आहेत. गृहमंत्री दिलीप वळसे पाटील देखील या बैठकीत हजर राहणार आहेत.

महाराष्ट्रात कोरोना झपाट्याने वाढत आहे. दररोज कोरोनाची नवीन प्रकरणे वाढत आहेत. महाराष्ट्र रेसिडेंट डॉक्टर्स असोसिएशनचे अध्यक्ष गणेश साळुंखे म्हणाले की, गेल्या तीन दिवसांत जेजे हॉस्पिटलसह महाराष्ट्रातील एकूण ३०५ डॉक्टर कोविड पॉझिटिव्ह आढळले आहेत. सध्या देशात कोरोनाचे सर्वाधिक रुग्ण महाराष्ट्रातच आढळून येत आहेत.

Maharashtra | A total of 230 resident doctors from various hospitals in Mumbai have tested positive for COVID-19 in the last 3 days: Ganesh Solunke, president of JJ Hospital, Maharashtra Association of Resident Doctors

— ANI (@ANI) January 6, 2022

गेल्या २४ तासांत महाराष्ट्रात कोरोनाचे २६,५३८ नवीन रुग्ण आढळले आहेत. त्याचबरोबर या काळात आठ जणांचा कोरोनामुळे मृत्यू झाला आहे. तर ५,३३१ लोक कोरोनामधून बरे झाले आहेत. सध्या महाराष्ट्रात सक्रिय रुग्णांची संख्या ८७,५०५ झाली आहे. महाराष्ट्रात ओमायक्रॉनचे एकूण ७९७ प्रकरणे नोंदवली गेली आहेत. तसेच ओमायक्रॉनमधून ३३० लोक बरे झाले आहेत.

महत्वाच्या बातम्या –

• भाजपचा ‘तो’ दावा ठरला फोल; प्रत्यक्षात स्थिती मात्र वेगळी
• “पत्रकारांवर खटले दाखल करून, त्यांना अटक करणाऱ्या सूडबुद्धी ठाकरे सरकारचे डोके ठिकाणावर येवो”
• ५५ हजार एसटी कर्मचाऱ्यांना नोटीस देणाऱ्या सरकारचे डोके ठिकाणावर आहे का?- अतुल भातखळकर
• …घटना काँग्रेसचा विचार आणि कार्यपद्धतीचा ट्रेलर; अमित शाहांचा हल्लाबोल
• ‘मराठी पत्रकारितेची मुहूर्तमेढ रोवून, निर्भीड पत्रकारितेचा वारसा देणाऱ्या जांभेकरांना विनम्र अभिवादन’