‘लागिरं झालं जी’ या मालिकेमध्ये ‘जीजी’ची भूमिका गाजवणाऱ्या जेष्ठअभिनेत्री कमल ठोके यांचं दुःखद निधन

मुंबई : ‘लागिरं झालं जी’ या मालिकेमध्ये ‘जीजी’ची भूमिका गाजवणाऱ्या अभिनेत्री कमल ठोके यांचं निधन झालं आहे. त्यांच्या निधनामुळे मालिकेतल्या कलाकारांनी शोक व्यक्त केला आहे. कमल ठोके यांचं शनिवारी निधन झालं. कमल ठोके यांना कॅन्सर झाला होता.

कमल ठोके यांनी या आधी काही मराठी चित्रपटातदेखील भूमिका साकारल्या आहेत. ना. मुख्यमंत्री गावडे, सख्खा भाऊ पक्का वैरी, बाबा लगीन, वरड, माहेरचा आहेर या चित्रपटामध्ये त्यांनी अतिशय उत्तम भूमिका साकारल्या. कमल ठोके काही दिवसांपासून बंगळुरुला आपल्या मुलाकडे रहायला गेल्या होत्या. त्यांच्यावर कॅन्सरचे उपचार सुरू होते.

‘लागीरं झालं जी’ या झी मराठी वाहिनीवरील मालिकेला प्रेक्षकांनी मोठा प्रतिसाद दिला होता. याच मालिकेमधून कमल ठोके यांनी प्रेक्षकांच्या मनात जागा मिळवली. जीजी यांचे निधन झाल्याने मालिकेतील कलाकारांनी हळहळ व्यक्त केली आहे. मराठी सिनेसृष्टीत जीजी अशी कमल ठोके यांची ओळख आहे. त्यांच्या जाण्याने चाहत्यांनी हळहळ व्यक्त केली आहे.

महत्वाच्या बातम्या –

• वर्षानुवर्षे ज्यांनी आरक्षण घेतलं आणि प्रगती केली त्यांनी आता आरक्षण सोडायला हवं : संजय राऊत
• …अन आईच्या आठवणीने शरद पवार गहिवरले !
• ही ‘श्रीं’ ची इच्छा! सोमवारपासून मंदिरांसह सर्व धार्मिक स्थळे उघडणार!
• सेक्युलर ही एक प्रकारची ‘शिवी’, या देशात कोणीही सेक्युलर नाही, संजय राऊतांचे मोठे विधान!
• ‘आईची जुनी साडी, मुलांसाठी दिवाळीचे नवीन कपडे’, रितेशची लय भारी! पोस्ट