औरंगाबाद : डॉ. बाबासाहेब आंबेडकर मराठवाडा विद्यापीठातील विविध ४९ विषयांसाठी २३१ अध्यापकांची निवड करण्यात आली आहे. तासिका तत्त्वावरील जागांसाठी निवड प्रक्रिया पूर्ण झाली. यासाठी २ हजार ३० अर्ज आले होते. यातून १५३ अध्यापकांची निवड करण्यात आली. उमेदवार न आल्यामुळे ७८ जागा रिक्त ठेवाव्या लागल्या. यासंदर्भात १७ डिसेंबरला विद्यापीठाने आदेश काढले असून त्यांना तातडीने अध्यापन करण्यास सांगण्यात आले आहे.
विद्यापीठ परिसर आणि उस्मानाबाद उपपरिसरातील विविध विभागांमध्ये विद्यार्थ्यांना शिकवण्यासाठी तासिका तत्त्वावर अध्यापकांच्या नेमणुका करण्याची प्रक्रिया आता पूर्ण झाली आहे. २३१ अध्यापकांसाठी जाहिरात प्रसिद्ध करण्यात आली होती. त्यासाठी तब्बल २ हजार ३० ऑनलाइन अर्ज विद्यापीठाला प्राप्त झाले होते. मागील वर्षी कुलगुरू डॉ. प्रमोद येवले आणि प्र-कुलगुरूंनी मुलाखती घेतल्या होत्या. यंदा मात्र उमेदवारांची संख्या अधिक असल्यामुळे संबंधित विभागांमध्ये प्रत्यक्ष मुलाखती घेण्यात आल्या. ७ आणि ८ डिसेंबरला झालेल्या मुलाखतीनंतर १७ डिसेंबरला निवड यादी जाहीर करण्यात आली.
यामध्ये १५३ अध्यापकांना निवडीचे आदेश दिले आहेत. २३२ पैकी पैकी ७८ जागांवर उमेदवार मिळाले नाहीत. त्यामुळे या जागा रिक्त ठेवण्यात आल्या आहेत. सूक्ष्मजीवशास्त्राच्या ३ जागा रिक्त होत्या, पण एकही उमेदवार मिळाला नाही. केमिकल टेक्नॉलॉजी आणि डी.एन.ए. बारकोडिंग अँड बायोडायव्हर्सिटीज़ स्टडीज विभागात निवड प्रक्रिया झाली. पण विद्यापीठाला अद्याप अंतिम निवड यादी दिलेली नाही. तासिका तत्त्वावरील अध्यापकांच्या मानधनात शासनाने २२ ऑक्टोबर २०२१ रोजी वाढ केली आहे. पदवी स्तरावरील अध्यापनासाठी ६२५ तर पदव्युत्तरसाठी ७५० रुपये दिले जातील. प्रात्यक्षिक अध्यापनासाठी देखील मानधन वाढले आहे.
महत्त्वाच्या बातम्या
- पाकिस्तानच्या माजी क्रिकेटपटूने निवडला वर्षातील सर्वोत्कृष्ट T20 संघ; कोहली-रोहितला दिला डच्चू
- ”इथे प्यायला पाणी नाही अन् राज्य सरकारने दारु स्वस्त केली, आता लोकांनी दारु प्यायची का?”
- ‘त्या’ पार्टीत कोण मंत्री होते हे जाहीर करा, अन्यथा…; पेडणेकरांचं शेलारांना आव्हान
- Pro Kabaddi : विकास कंडोला करणार हरियाणाचे नेतृत्व
- सहकार क्षेत्र खाजगी लोकांच्या घशात घालण्याचे षडयंत्र चाललेले आहे-देवेंद्र फडणवीस
