मुंबई: विधान परिषदेच्या निकालानंतर राज्यातील राजकारणाला नवा वेग आला आहे. शिवसेना (Shiv Sena) बंडखोर नेते एकनाथ शिंदे (Eknath Shinde) यांनी शिवसेनेविरोधातच बंड पुकारत सर्व आमदारांसोबत गुवाहाटीला (Guwahati)तळ ठोकला आहे. यावरूनच शिवसेना खासदार संजय राऊत (Sanjay Raut ) यांनी आजच्या सामना अग्रलेखातून भाजपवर निशाणा साधला आहे.
माणसे फोडायची, फितुरीची बिजे रोवायची, त्या फितुरीचे पिक खडकावरही काढण्यात हे लोक पटाईत, पण देशातील बेरोजगार ‘अग्निवीर’ रस्त्यावर उतरला आहे, कश्मीरात हिंदूंचे हत्याकांड सुरू आहे. लडाखमध्ये चीनचे सैन्य घुसले आहे त्यांना बाहेर काढण्यासाठी कोणतीही योजना व धमक त्यांच्यात दिसत नाही. फितूर निर्माण करायचे व त्या जोरावरच राज्य आणायचे. हीच यांची ‘किंग मेकर्स’ कंपनी. ब्रिटिशांच्या ईस्ट इंडिया कंपनीने तेव्हा हेच केले. ही ईस्ट इंडिया कंपनीही शेवटी गाशा गुंडाळून निघून गेली. विधान परिषद निकालाने त्या ईस्ट इंडिया कंपनीचा आत्मा महाराष्ट्रात फडफडताना दिसला. अशी टीका संजय राऊत यांनी भाजपवर केली आहे.
महाराष्ट्र जागा झाला की पेटून उठतो, हा इतिहास ईस्ट इंडिया कंपनीच्या फितूर मंडळाने लक्षात घ्यावा. महाराष्ट्रातल्या सरकारचे काय व कसे होणार, हा प्रश्न नसून महाराष्ट्रावर वार करणाऱ्यांचे, महाराष्ट्राशी बेइमानी करणाऱ्यांचे काय होणार? फितुरीचे बीज रोवणाऱ्यांचे काय होणार? धर्माच्या मुखवट्याखाली अधर्माशी संग करणाऱ्यांना जनता माफ करील काय? हे खरे प्रश्न आहेत. संकटांशी व वादळांशी सामना करण्याची शिवसेनेला सवय आहे. गुजरातच्या भूमीवरून फडफड करणाऱ्यांनी हा इतिहास पुन्हा एकदा समजून घ्यावा! गुजरातमध्ये या मंडळींनी जरूर दांडिया खेळावा, पण महाराष्ट्रात तलवारीस तलवार भिडेल हे नक्कीच. असा इशारा संजय राऊत यांनी दिला आहे.
महत्वाच्या बातम्या:
- SL vs AUS : श्रीलंकेचा ऐतिहासिक मालिकाविजय; थरारक सामन्यात ऑस्ट्रेलियाला चारली धूळ!
- Sanjay Raut : “शिवसेनेतील तथाकथित निष्ठावंत…”, संजय राऊतांचा एकनाथ शिंदेंवर निशाणा
- Eknath Shinde : राज्यपाल कोश्यारी कोरोना पॉझिटिव्ह; एकनाथ शिंदे मुंबईला येणार का?
- Bhagat Singh Koshyari corona positive – राज्यपाल कोश्यारी कोरोना पॉझिटिव्ह
- Bacchu Kadu : 36 आमदार सोबत एकूण संख्याबळ 50 पर्यंत जाईल – बच्चू कडू
बातम्यांसाठी YouTube चॅनेल Subscribe करा
Subscribe Now
