Sanjay Raut | संजय राऊतांच्या राजकीय भेटीगाठी! शरद पवारांची घेणार भेट

Sanjay Raut | मुंबई : संजय राऊत यांना पत्राचाळ घोटाळा प्रकरणी काल जामीन मिळाला. यानंतर त्यांच जंगी स्वागत करण्यात आलं. मात्र, काल कोणत्याही बड्या नेत्याने उपस्थिती लावली नाही. अशातच संजय राऊत यांनी त्यांचं उद्धव ठाकरे यांच्यासोबत फोनवर बोलणं झालेलं सांगितलं. मात्र, शिवसेना खासदार संजय राऊत (Sanjay Raut) आज त्यांच्या राजकीय भेटी घेणार असून राष्ट्रवादी (NCP) पक्षाचे सर्वेसर्वा शरद पवार (Sharad Pawar) यांची भेट घेणार आहेत.

शिवसेना पक्षाचे खासदार संजय राऊत आज राष्ट्रवादी पक्षाचे सर्वेसर्वा शरद पवार यांची भेट घेणार आहेत. ११ वाजता ही भेट होणार असून या भेटीत कोणत्या विषयांवर चर्चा होणार हे पाहणं महत्त्वाचं आहे. मात्र, सर्वांच्या नजरा लागून आहेत त्या म्हणजे उद्धव ठाकरे आणि संजय राऊत यांच्या भेटीकडे. तसेच शरद पवार यांच्यासोबत भेट झाल्यानंतर संजय राऊत उद्धव ठाकरे यांची देखील भेट घेणार आहेत.

यादरम्यान, संजय राऊत यांना जामीन मिळाल्याचं समजताच उद्धव ठाकरे यांनी त्यांना फोन करण्याचा प्रयत्न केला, पण राऊत कोठडीत असल्यामुळे उद्धव ठाकरे आणि त्यांचं थेट बोलणं होऊ शकलं नाही. यानंतर, जेलमधून सुटल्यावर मला उद्धव ठाकरेंचा फोन आला. माझ्याशी बोलले. यावेळी त्यांचा उर भरुन आला. मलाही भरुन आलं, असं संजय राऊत म्हणाले.

शिवसेना हा परिवार आहे. रस्त्यात जिथून जिथून मी जात होतो त्या प्रत्येक ठिकाणी लोक थांबून मला अभिवादन करत नव्हते तर शिवसेनेला अभिवादन करत होते. संजय सावंत या शिवसेना पदाधिकाऱ्याच्या फोनवर उद्धव ठाकरेंचा फोन आला होता. संजयचं अभिनंदन कर, लवकरच त्याला भेटणार आहे, असा निरोप उद्धव ठाकरेंनी दिला. संजय राऊत यांनाही उद्धव ठाकरेंचा निरोप मिळाल्यानंतर धन्यवाद अशी प्रतिक्रिया दिली.

माझ्या अटकेचा आदेश दिल्लीतून आले. उसको अंदर डालो तो हमारी सरकार आएँगी ! हे मला माहिती होतं, असा गौप्सस्फोट संजय राऊत यांनी केला आहे. आता खोक्यांची बदनामी करत आहेत. महाराष्ट्रातील बोके खोक्यावर बसलेली आहेत. आता फक्त ओक्के शिवसेनाच. ती सुद्धा उद्धव ठाकरे आणि बाळासाहेब ठाकरेंची. गद्दारांना बाळासाहेब ठाकरेंचं नाव घेण्याचा अधिकार नाही, असा घणाघात देखील त्यांनी केला आहे.

महत्वाच्या बातम्या :

• Eknath Khadse | “खोके घेतले म्हणजे पैसे घेतले नाही”, कोर्टात खेचण्याचा इशारा मिळताच एकनाथ खडसेंची माघार
• Eknath Shinde | संजय राऊतांच्या जामीनाबाबत बोलणं मुख्यमंत्र्यांनी टाळलं, म्हणाले…
• Uddhav Thackeray | उद्धव ठाकरे यांनी सांगितलं नोट बंदी मागील सत्य, म्हणाले…
• Eknath Shinde | “आता त्यांना आनंद साजरा करु द्या, आम्ही…”, शिंदे गटाचा राऊतांवर निशाणा
• Supriya Sule | अजित पवार राष्ट्रवादीत नाराज असल्याच्या चर्चांवर सुप्रिया सुळेंचं स्पष्टीकरण, म्हणाल्या…