नवी दिल्ली : देशात लखीमपूर खेरी हिंसाचार प्रकरणाची चर्चा सुरु आहे. काल काँग्रेस नेत्या प्रियंका गांधी आणि समाजवादी पार्टीचे प्रमुख अखिलेश यादव यांना लखीमपूर खेरी येथे जाण्यापासून रोखण्यात आले होते. उत्तर प्रदेश सरकारकडून सुरु असलेल्या या दडपशाही विरोधात आवाज उठवण्याची गरज शिवसेना नेते आणि खासदार संजय राऊत यांनी व्यक्त केली होती. त्यानंतर त्यांनी काँग्रेस नेते राहुल गांधी यांच्यात दिल्लीत बैठक झाली.
राहुल गांधी यांना भेटल्यानंतर संजय राऊत यांनी माध्यमांशी संवाद साधला. यावेळी त्यांनी देशातील सध्याच्या परिस्थितीवर चिंता व्यक्त केली आहे. देशात लोकशाही राहिली आहे का? लोकशाही पूर्णपणे उद्ध्वस्त झाली आहे, असं राहुल गांधींच्या भेटीनंतर संजय राऊत म्हणाले. तसंच राहुल गांधींसोबत काय चर्चा झाली? या प्रश्नाचं उत्तर देण्याचे मात्र संजय राऊत यांनी टाळले. तसेच दोघांमधील चर्चा जाहीर करणार नाही, असेही त्यांनी सांगितले.
‘ही सदिच्छा भेट होती. अनेक मुद्द्यांवर आम्ही चर्चा केली. काँग्रेसबाबत काही मुद्द्यांवर चर्चा झाली. महाराष्ट्र सरकारच्या कामगिरीवर राहुल गांधी समाधानी आहेत. पण चर्चेतील सर्वकाही बाबी सांगता येत नाहीत. त्या चार भींतीतल्याच असतात’, असे संजय राऊत म्हणाले.
महत्त्वाच्या बातम्या
- ‘खोटे बोल पण रेटून बोल’ देवेंद्र फडणवीसांच्या लातूर दौऱ्यावर काँग्रेसची टीका
- युपी सरकारच्या दडपशाही विरोधात संयुक्त विरोधी कारवाईची गरज- संजय राऊत
- शेतकऱ्यांचे आंदोलन चिरडणाऱ्यांना फासावर लटकवा; सदाभाऊ खोत यांची मागणी
- अंमली पदार्थाच्या विक्रीविरोधात भाजप आमदारांचा मोर्चा
- ‘शिवसेना भाजपबरोबर ठरलेले लग्न मोडून काँग्रेस-राष्ट्रवादीसोबत पळून गेली अन्..’
