“भाजपाससुद्धा बुस्टर डोसची गरज”, संजय राऊत यांचा खोचक टोला

🕒 1 min read

मुंबई : महाराष्ट्र दिनी मुंबईतील सोमय्या मैदानावर भाजपचा सन्मान सोहळा आणि औरंगाबाद येथे मनसेची सभा पार पडली. या दोन्ही सभांनंतर राजकीय वर्तुळात आरोप-प्रत्यारोपांच्या मालिका रंगायला सुरुवात झाल्याचे चित्र बघायला मिळत आहे. याच पार्श्वभूमीवर शिवसेना खासदार संजय राऊत यांनी आपल्या आजच्या सामना अग्रलेखाच्या माध्यमातून भाजप आणि मनसेवर निशाणा साधत टीकास्त्रांचा वर्षाव केला आहे.

लेखात राऊत म्हणाले आहेत की, ‘महाराष्ट्र दिनी भारतीय जनता पक्ष व त्यांच्या उपवस्त्र पक्षाने सभा घेतल्या. दिशादर्शक असे प्रेरक विचार त्या सभेतून राज्याला मिळतील असे वाटले होते, पण मुख्य पक्ष व त्यांच्या उपवस्त्राने लाथा झाडण्याशिवाय काहीच केले नाही. त्यामुळे गदाधारी कोण आणि ‘गधा’धारी कोण हे महाराष्ट्र दिनी स्पष्ट झाले. भाजपच्या बुस्टर डोस सभेत देवेंद्र फडणवीस हे शिवसेनेवर तुटून पडले, तर संभाजीनगरच्या सभेत त्यांचे उपवस्त्र शरद पवारांवर तुटून पडले. हे ठरवून झाले. त्यातून महाराष्ट्राच्या किंवा देशाच्या जनतेला काय मिळाले? उपवस्त्राला बुस्टर देण्याचे काम मुंबईतूनच सुरू होते. पण भाजपाससुद्धा बुस्टर डोसची गरज आहे’, असे राऊत म्हणाले.

दरम्यान, पुढे ते म्हणाले की, ‘भाजपवाले आता ऊठसूट बाबराचे भजन करू लागले आहेत. हा बदल बरा नाही. धमक्या व इशारे देण्यापेक्षा तुम्ही चीनला का व कसे घाबरताय त्यावर बोला. लडाखच्या हद्दीत चिनी सैन्य घुसल्यापासून कोणाची कशी हातभर फाटली आहे ते देशाने पाहिले आहे. बाबरी आम्हीच पाडली असे सांगणाऱ्यांना देशात घुसलेल्या चिनी सैनिकांना बाहेर ढकलता येत नाही. चीननेही गलवान व्हॅलीत २३ भोंगे लावले आहेत व ते देशाला आव्हान देत आहेत की, ”आम्ही येथून बाहेर पडणार नाही!” मग ते भोंगेही उतरवा व चिन्यांनाही हाकला. तरच तुम्ही हिमतीचे’, असेही राऊत म्हणाले.

महत्वाच्या बातम्या: 

• “फडणवीस ‘मिस्टर इंडिया’ बनून बाबरीच्या ढांच्यावर हातोडा…”, संजय राऊतांचा खोचक सवाल
• “…त्यामुळे ‘गधा’धारी कोण हे स्पष्ट झालं”, भाजप आणि मनसेच्या सभेवरून संजय राऊत यांचा टोला
• “संभाजीनगरात भाजपच्या उपवस्त्राने…”, संजय राऊतांचा राज ठाकरेंवर निशाणा
• “भाजपवाले आता ऊठसूट बाबराचे भजन…”, संजय राऊत यांचा हल्लाबोल
• IPL 2022 KKR vs RR : जीवात जीव आला..! सलग पाच पराभवानंतर कोलकातानं नोंदवला विजय; राजस्थानला दिली मात!