Sanjay Raut | नाशिक : अनेक नेत्यांच्या वादग्रस्त वक्तव्यांमुळे सध्या राजकीय वातावरण तापलेलं आहे. अशातच भाजपचे नेते प्रसाद लाड (Prasad Lad) यांनीही छत्रपती शिवाजी महाराजांबद्दल वादग्रस्त वक्तव्य केलं आहे. छत्रपती शिवाजी महाराजांचा जन्म कोकणात झाला असल्याचं वक्तव्य प्रसाद लाड यांनी केलं आहे. प्रसाद लाड यांच्या या विधानानंतर ठाकरे गटाचे खासदार संजय राऊत (Sanjay Raut) यांनी भाजपावर निशाणा साधला आहे.
‘महाराजांचा जन्म कुठे झाला हे अख्या जगाला माहित आहे. हे नवीन नवीन शोध लावत आहे. यांनी इतिहास मंडळाची नव्याने स्थापना केली आहे का? ज्याप्रमाणे मुख्यमंत्री शिंदे यांनी निती आयोगाची नव्याने स्थापना करून, त्यांच्या बिल्डर मित्राची वर्णी लावली. त्याप्रमाणे भाजपने इतिहास मंडळाची स्थापना करून लाड ग्वाड बोलत आहे, हे आता महाराष्ट्राचा नवीन इतिहास लिहिणार का?, अशी टीका संजय राऊत (Sanjay Raut) यांनी केलीय.
‘कोण प्रसाद लाड, ते काय दत्तू मामा पोतदार आहे का, यदुनाथ सरकार आहे का, मुळात भाजपचं डोकं फिरलं आहे. रोज नवे विधानं केली जात आहे. या भाजपाचं डोकं फिरलंय. छत्रपती शिवाजी महाराजांची जी शक्ती आहे, ती शक्तीच यांना संपवेल. छत्रपती शिवाजी महाराज यांची जी भवानी तलवार आहे ना, एक दिवस त्या तलवारीने यांचे मुंडक छाटणार आहे. असं वाटतंय की यांच्या स्वप्नात अफजल खान आणि औरंगजेब येतो, यांच्या कानात काहीतरी मंत्र देतात आणि हे बोलतात यांची लायकी आहे का? असा संतप्त सवाल संजय राऊत (Sanjay Raut) यांनी केला आहे.
जे लोक शिवाजी महाराज यांच्याविषयी अभद्र भाषा वापरतात, ते शिवसेनेवर काहीही बोलू शकतात. ते शिवसेनेविषयी अशीच भाषा वापरणार, जे छत्रपतींना सोडत नाही, ते आम्हाला काय सोडणार, आम्हाला कुणाला डिवचण्याची हिंमत नाही, असा इशाराही राऊतांनी यावेळी बोलताना दिलाय.
महत्वाच्या बातम्या :
- Sanjay Raut | “ते चाळीस आमदार स्वतःला सरकारचे बाप…”; संजय राऊत यांचा जोरदार हल्लाबोल
- Raj Thackeray | प्रसाद लाड यांच्या शिवरायांवरील विधानानंतर राज ठाकरेंची प्रतिक्रिया; म्हणाले,
- Udayanraje Bhosale | “मुजरा महाराज…सर्वसामान्य मावळा म्हणून बोलतोय…”; उदयनराजेंचं छत्रपती शिवाजी महाराजांना भावनिक पत्र
- Amol Mitkari | “भाजपाने नाक रगडून…”; प्रसाद लाड यांच्या वक्तव्यावर अमोल मिटकरी संतापले
- Prasad Lad | “शिवरायांचा जन्म कोकणात झाला”; भाजपच्या आणखी एका नेत्याचं वादग्रस्त वक्तव्य
